2017-06-16 【東方日報】執導超辛苦 湯盈盈:會好好招呼錢嘉樂

瀏覽次數:53

藝人湯盈盈出席活動宣傳《愛·回家之開心速遮遞》,她表示早上冒雨拍攝一場天台戲份,幸好埋位時天公做美未有再下雨。她謂角色是喜歡食,所以被同劇演員指她有增肥,但她反而覺得自己瘦了。 提到老公錢嘉樂近日完成執導的電影部份拍攝回港,盈盈說:「佢未搞掂晒,依家都停咗一陣,要再籌備吓再飛。但佢都好辛苦,有得坐佢都企足全日,返嚟雙腳腫晒,不嬲都有啲舊患。」她更笑言要好好「招呼」老公,更大爆嘉樂記錯日期:「上星期六半夜三更,我搞緊屋企啲數,佢走出嚟話今個父親節冇人同佢慶祝,我話下(今)星期先係。」 問到父親節當日會如何慶祝,湯盈盈說:「我約咗佢好多年冇見嘅朋友一齊食午餐,我仲訂到一個原本冇晒貨嘅行李篋畀佢,好開心,依家已經買唔番。我有朋友喺機場做,佢搵人幫我去世界各地搵,終於有朋友喺德國搵到,好難買。(你講咗佢依家知。)唔緊要啦!」她又大讚兩個女兒叻,大女昨日獲學校頒發學業獎,而有相士指細女會帶旺嘉樂事業。

圖1:點樣招呼先?
圖2:錢嘉樂湯盈盈(資料圖片)