2017-08-14 【其他報導】錢嘉樂 粉絲搞生日會 開心同囡囡錫錫

瀏覽次數:828

嘉樂 和湯盈盈婚後美滿,育有兩名女兒,兩人更不時於網上分享他們的家庭生活。上星期係 錢嘉樂 嘅52歲生日, 粉絲團為佢搞生日會慶祝生日, 錢嘉樂 開心到同囡囡錫錫添!

粉絲團為錢嘉樂慶生

日前喺 錢嘉樂 嘅52歲生日,一家四口出席 錢嘉樂 粉絲團為佢搞嘅生日會,錢嘉樂開心到不得了!老婆湯盈盈仲親手餵蛋糕,依個生日一定好難忘!

一家四口慶祝母親節

因工作關係而經常四圍飛的 錢嘉樂 近日就喺外國拍緊新電影,作為導演嘅佢所有事都親力親為,所以經常都唔係香港。不過,早前為咗慶祝一年一度嘅母親節,佢專登抽時間飛返香港陪老婆,湯盈盈仲帶埋兩個囡囡一齊去接機添!

成也蘇梅 敗也蘇梅

相戀多年嘅湯盈盈同 錢嘉樂 ,一直都keep住甜密恩愛。據知湯盈盈與 錢嘉樂 於2007年在台灣拍攝綜藝節目時認識,相戀後一直低調處理。兩人於2008年被傳媒爆出戀情,當時女方被踢爆在 錢嘉樂 的住處留宿,但兩人卻矢口否認其感情關係,繼續低調地下情。期間兩人曾傳分手,有指是因 錢嘉樂 對舊愛餘情未了。事過境遷,兩人拍拖多年,感情穩定,才逐漸將戀情公開。直至2012, 錢嘉樂 公開宣佈將迎娶湯盈盈,並指當時兩人到蘇梅島旅行時求婚成功,他笑說:「成也蘇梅,敗也蘇梅!」

史上第一對新人於熊貓館完婚

兩人於2012年11月完婚,結婚儀式特別挑選在海洋公園的熊貓館進行,並且成為史上第一對新人在國寶大熊貓盈盈見證下註冊,非常有意義,場面亦異常感人。當時懷孕五個月的湯盈盈仍穿著3寸高跟鞋,而 錢嘉樂 則全程體貼地拖實佢,同時亦對盈盈發表甜蜜愛的宣言:「以後的人生有我扶住你。 」

大女被指太似爸爸

大女錢凱晴(Alyssa)於2013年3月出世,一家三口十分幸福,在Alyssa兩歲時,盈盈曾帶Alyssa接受親子訪問,不過報導一出,卻有網民留言表示Alyssa太似爸爸,更直指:「真心話勁醜怪」,搞到盈盈睇完好唔開心,見到傳媒時,更特地為囡囡掩面!幸好後來網民力撐Alyssa好可愛,盈盈才得以釋懷,仲話囡囡每個表情動作都好可愛!

一家四口幸福滿瀉

兩年之後,盈盈誕下幼女錢凱琪(Kassidy),一家四口幸福滿瀉。雖然盈盈和嘉樂經常忙於拍攝工作,但每當他們有時間都會陪著兩個囡囡四圍玩,一家四口更經常拍寫真,留下美好回憶。