2017-10-10 【東方日報】韓國材離世 錢嘉樂:成個公會都覺得可惜

瀏覽次數:4

香港動作演員韓國材因肺癌末期離世,香港動作特技演員公會秘書長黃家良亦證實韓國材死訊。香港動作特技演員公會成員張永漢近半年都會代表公會買些日用品去安老院探望韓國材,現在亦已聯絡了韓國材兄長及兒子,如有需要會一齊辦理韓國材身後事,他謂:「依家暫定10月27日喺鑽石山火葬場火化,應該係一日做晒,但一切要等佢屋企人作最後決定。」

至於香港動作特技演員公會會長錢嘉樂雖然身在北京拍戲,但表示關注韓國材的身後事:「材哥啱啱走咗,我哋公會有個群組,成個公會都覺得好可惜,我哋年青嘅時候已經睇佢嘅電影,佢都好代表到我哋功夫電影,合作就少,但好多場合,好多機會見到面,所以知道佢病嘅時候,我哋公會都好密切留意啦,睇吓材哥有乜需要,安排咗同佢熟悉嘅會員定期去探佢,同埋佢識好多人,都有通知佢啲好友可以去探佢,盡一分力,呢啲係公會維持會員嘅做法嚟嘅。」

他續說會密切留意韓國材的身後事,如其家人需協助定會全力支持,暫時要先了解韓國材家人的意願,同埋將有關消息通告會員及其好友。

圖1:會密切留意韓國材的身後事,如其家人需協助會全力支持。