2017-09-23 【蘋果日報】【傳惡搞高層被封】無綫十一年前倉底貨《囍趣台》解禁 仲有邊個喺度做?

瀏覽次數:4

世事嘅嘢,真係估你唔到,尤其喺無綫,更加係變幻是永恒! 繼喺今年5月無綫啟動自家發明時光機,將一套10年前嘅倉底貨《蘭花刼》帶咗嚟2017年,結果搞到首周平均收視跌穿2字頭(新聞連結:http://bit.ly/2sWF2VA ),不過有啲嘢真係估佢唔到,你又會點諗到,一個11年前嘅綜藝節目,又會重生? 近日有消息指錢嘉樂、林曉峰喺2006年主持嘅《囍趣台》,當年有傳因為內容惡搞唔少高層,加上題材又比較敏感同胡鬧,結果被臨時抽起唔播(新聞連結:http://bit.ly/2xs7TWS )。 睇番11年前嘅報道,有份被惡搞嘅,包括錢嘉樂搽黑眼圈扮時任高層何麗全,鄭敬基則扮時任總經理陳志雲,形神俱似。嗰陣錢嘉樂連當時嘅新聞之花趙海珠都不放過,有傳損害了無新聞從業員形象。 節目當時任總經理陳志雲就抽起《囍趣台》一事回應,強調與主持模仿佢本人無關,陳志雲話:「節目本身冇問題,我只係覺得如果擺非合家歡時間播嘅話,可以發揮得更加好。」而當時本報了解,無綫突然抽起原因,係認為《囍趣台》內容胡鬧,其中《斷背心》內容更是露骨不雅,不適合在合家歡時段播出。當時有傳過話另覓時段、如兩個月後(即06年5月底左右)播出,點知一擺就咁多年。 十年人事幾番新,何況十一年。如今《囍趣台》終於獲安排喺10月喺網上播出,高層余詠珊接受訪問話都承認呢件事,仲話O依家睇番都覺得好好笑。 O依家喺蒙古拍《黃金兄弟》嘅錢嘉樂,噚日接受傳媒訪問,佢話自己都有聽過呢件事,講到當年因為得罪高層而禁播,佢話:「我唔知呀,冇聽過,不過我自己都想睇番!計番都係11年前嘅事,真係好耐,嗰陣我哋都會講啲時事性嘅嘢,亦會有啲搞笑造型,有啲造型都仲記得,好似拍咗個《斷背山》嘅搞笑版,又扮過新聞之花,o依家諗番都覺得幾好笑!」 不過嘉樂話始終過咁多年,有啲細節真係會唔記得:「不過應該會有啲得意嘢,當年係祖藍第一次拍呢啲gag騷,嗰陣佢仲未入《獎門人》,嗰陣我哋都覺得佢幾得意,所以咪叫埋佢一齊玩,雖然嗰陣祖藍仲係好fresh,又喺演藝浸淫咗好耐,但係佢都好有個性,係一個高材生,好投入我哋嘅節奏,真係好好玩!」 https://hk.entertainment.appledaily.com/enews/realtime/article/20170923/57243346

圖2:o依家嘉樂喺蒙古拍電影,不過佢都有留意新聞。
圖4:錢嘉樂個造型好熟口面!(資料圖片)
圖6:志偉都有撐場!(資料圖片)
圖7:斷背山!(資料圖片)
圖8:錢嘉樂連當時嘅新聞之花趙海珠也不放過,有傳損害了無新聞從業員形象。 (資料圖片)