2018-08-11 【HK01】【黃金兄弟】古惑仔再聚首變身超級英雄 伊健又Sky哥哥上身?

瀏覽次數:773

22年前面世的《古惑仔之人在江湖》,令「陳浩南」鄭伊健、「山雞」陳小春、「大天二」謝天華、「包皮」林曉峰等人物紅到街知巷聞,《古惑仔》亦成為港產片史上一大經典。

雖然《古惑仔》電影已停產多年,古惑仔亦已變成古惑佬,幾位從未離開觀眾眼前,今年古惑佬又再聚首拍戲,雖然都係要喊打喊殺,但身份就變成僱傭兵,為拯救兒童而拋頭顱、灑熱血。

《黃金兄弟》由錢嘉樂執導,講述僱傭兵獅王(鄭伊健 飾)、火山 (陳小春 飾)、Bill(謝天華 飾)、淡定(錢嘉樂 飾)、老鼠(林曉峰 飾)5個出生入死的兄弟,在恩師曹sir (曾志偉 飾)的帶領下,為了救濟兒童而偷取特效藥,卻慘遭設局,陷入槍林彈雨的險境之中。兄弟們抱著視死如歸的豪情,展開一連串的追查與激戰。

擅長拍特技場面的錢嘉樂,當然為《黃金兄弟》加入大量高難度動作場面,包括埋身肉搏對打、槍戰、飛車及爆破等,預告其中一幕看到鄭伊健在街頭賽車,不禁令人聯想起他在《烈火戰車2極速傳說》中飾演的「Sky哥哥」。

除動作戲外,另一令人印象深刻的鏡頭是陳小春被曾志偉怒摑,雖然《黃金兄弟》以動作場面掛帥,但文戲亦一樣張力十足,加埋5位古惑佬合唱的主題曲《一起衝 一起闖》,真係Man味爆燈。

https://youtu.be/jBkYbC8Ibp0

圖2:有錢嘉樂,又點少得飛車特技場面!(影片截圖)
圖3:《烈火戰車2極速傳說》(下)都已經有19年歷史,《黃金兄弟》呢一幕(上)真係以為又見Sky哥哥。(影片截圖)
圖4:睇吓伊健點樣Sky哥哥上身
圖7:曾志偉怒摑陳小春呢幕真係戲味十足。(影片截圖)
圖8:睇埋其他精彩場面