2018-09-07 【東方日報】囡囡坐校巴返學 錢嘉樂開心2歲細女冇喊

瀏覽次數:19

藝人錢嘉樂和鄭敬基夫婦出席「錢家班」腕表活動,講到日前開學,他表示有送兩位囡囡上校巴返學,由於想兩個女學習獨立,故不會再如以前送回學校,又慶幸說:「大女自己上校巴係就冇問題,但估唔到就快3歲嘅細女,自己上校巴返幼兒班都冇喊,但我傭人姐姐就喊。(點解?)開心到喊,因為以為妹妹好麻煩。」由於在家講英語為主,故兩個女都常講英文,可是他是思想傳統的人想女兒識中文,更自爆說:「大女會叫我讀中文故事書畀佢聽,好在我仲識啲啲中文。」

提到「錢家班」腕表,他說:「隻腕表我有畀意見,其實『錢家班』推出咗好多產品,好似衫、外套、腰包等。」問可想推出錢家班的座駕及樓盤?他說:「梗係想啦,唔知有冇車行同地產商搵我合作呢?」

圖1:錢嘉樂想兩個女學習獨立。
圖2:錢嘉樂送兩位囡囡上校巴返學。
圖3:錢嘉樂搭鄭敬基膊頭。
圖4:錢嘉樂同鄭敬基夫婦。
圖5:錢嘉樂一家四口。