2018-10-19 【東方日報】陳小春爭輸伊健 鄭中基 巡唱香港站落空

瀏覽次數:123

延續22年兄弟情,鄭伊健、陳小春、謝天華、錢嘉樂及林曉峰五個古惑佬,演唱會、電影、綜藝節目長做長有,開工搵銀拍住上。不過伊健前周四(4日) 51歲牛一,漏口風會再開騷,落實在明年二月農曆年間再登紅館舞台,相隔六年終於撇甩班兄弟開個人演唱會。其實單拖開騷唔止伊健仲有小春,亦都一樣晨早入紙吼實農曆年紅館檔期,不過小春入紙三次都申請失敗,惟有內地巡唱獨欠香港站,拖住先!

近日五位古惑佬有四個都忙住同監製曾志偉四圍謝票,為新戲《黃金兄弟》宣傳,唯獨陳小春連場缺席。原來個人巡迴演唱會下月10日就於成都站揭開序幕,剩番一個月時間練歌練舞排rundown,難怪小春都話時間緊迫。


 
其他近期報導:
2020-05-26錢嘉樂狂窒吳卓羲 搞到余香凝尷尬喪話:冇!
2020-05-25湯盈盈帶囡囡去商場放電 單手抱Kassidy臂力驚人
2020-05-17相隔17年再聚 黃宗澤吳卓羲笑指馬明變咸濕
2020-05-14【飛虎之雷霆極戰】三兄弟自《衝上雲霄》後隔16年再合作 馬國明爆太呆被稱呼做「七哥」
2020-04-17錢嘉樂湯盈盈教你9招抗疫小貼士(4-6集)