2019-01-03 【壹周PLUS】【錢嘉樂咁多年點搵食】中一輟學由武師打到導演 地產鋪門前細睇三千萬豪宅

瀏覽次數:63

間唔中都會有網民問錢嘉樂到底用乜搵食?似乎好多人對佢嘅印象都只係《獎門人》入面嘅嘻嘻哈哈形象。其實錢嘉樂中一就輟學入行做武師,初期佢喺洪家班,幕前演出機會唔多,曾經係劉華御用替身。洪金寶睇中佢單純唔計較,開始俾佢做幕前小角色,慢慢做出名氣,之後做《獎門人》主持成功入屋,令好多觀眾對佢嘅印象都係搞笑派,但武打先係佢嘅老本行。佢嘅錢家班可以話係行內頂級,而佢由武師做到演員、再到武術指導,直到而家做埋《黃金兄弟》導演,一步一步證明佢係有真材實料㗎。

呢日《壹》仔見到佢喺銅鑼灣行返寶馬山屋企,沿路一直行大斜路同長樓梯,武打出身嘅佢梗係氣都唔喘下啦!經過超級市場佢入去買咗少少野,再經過地產鋪,佢停低睇咗好耐,貼出嚟嘅單位大概三千萬左近,難道錢嘉樂想買新鏄頭?

辛苦做咗咁多年,而家家庭事業雙收,買嚟送俾自己唔過份啊,再唔係買嚟等將來送俾兩個寶貝女都好啊!

https://nextplus.nextmedia.com/article/2_645874_0