2019-02-13 【都市日報】鄭伊健 不死的Cantopop
瀏覽次數：184
當政府說「粵語不是母語」、個個都北上掘金之際，許多人認為香港樂壇已死，近年頻頻於內地巡唱的鄭伊健卻絕不認同，「我哋唔淨係去搵人仔，仲係唱緊廣東歌。你話係咪已死？唔係呀，今年好多新歌都好聽呀，大家都好努力做緊。 」問可恨出更多國語歌，在這大中華市場分多杯羹？出名「國語有限公司」的他卻笑謂不了：「我天分唔係咁高，我諗內地人都寧願聽我唱廣東歌。」不過，他倒覺得樂壇頒獎禮應該百花齊放，無論得獎與否都可參與演出，甚至盼與「古惑佬」齊齊踩上台。
近年來，鄭伊健似乎將事業重心投放於電影上，即便登台、開演唱會都孖住「古惑佬」4位兄弟陳小春、謝天華、錢嘉樂、林曉峰共同進退，若要數其個人騷，已經追溯到12、13年的《Light and Shadow》了。不過相隔7年，伊健早前終於宣布在2月24至3月1日假紅館舉行《Along with Ekin Live Concert 2019》個人演唱會，實行跟一眾歌迷回顧入行30多年經典作品。
不排除騷肌
今次撇甩兄弟獨自踏上舞台，想必既期待又緊張吧？「過去攞咗好多經驗、成熟咗好多，經驗話畀我聽最緊要享受個過程，由年頭知道如果攞到期開演唱會，我哋大約要做啲乜嘢、練啲乜嘢，到依家就覺得好好玩，應該要慢慢享受。」比起以往單純唱歌跳舞的表演，伊健認為現今的觀眾要求愈來愈高，繼8年前將一顆樹搬上演唱會舞台後，今次決定大玩視覺效果，他大賣關子：「只能透露電影感重啲，美術上會再靚啲。至於騷唔騷肌？睇吓啲衫造成點，同美術總監朱祖兒合作咁耐，我不嬲都冇望嗰啲嘢，你畀我咪着囉，我係負責配合成件事，咁自己啲腹肌都仲喺度嘅，仲好過以前㖭！」5年沒出Solo歌的伊健又透露即將推出新曲，叫人期待。
做好粵語歌
過去幾年，雖然孖住「古惑佬」穿州過省開巡唱，賺人仔，但其實伊健仍未有忘記初衷，一直堅持唱廣東歌，繼續推崇港樂，「最開心前兩年做《歲月友情演唱會》，成個騷八成係廣東歌，我哋仲有得唱係幾自豪。」對於不少人形容「香港樂壇已死」，親歷90、00輝煌年代的伊健則謂：「人生就係咁㗎啦，Eason（陳奕迅）一個仲喺度頂住呀！冇㗎，我哋咪繼續做囉，依家唔係完全消失嘛，譬如一啲手工藝品唔係太多人買，但有人堅持會做，當買到嗰個人會好開心。我覺得自己有份參與呢個過程係榮幸嘅，其實今年樂壇我都有聽呀，好多新歌都好聽呀，佢哋都好努力做緊。」原來身為「超級機迷」的他私下亦喜歡扭開收音機，八吓樂壇現況。
再上頒獎禮
既然出新歌，接下來又會否專注製作更多新歌？伊健卻稱要睇監製陳光榮頭，「唔係唔想Focus，但都要陳光榮滿意，佢成日都覺得做咗啲歌出嚟，如果唔夠好就唔出，咁我都覺得唔可以夾硬嘅。」說到古天樂早前奪「叱咤我最喜愛的男歌手」，問可有意再於頒獎禮上爭獎？他笑謂：「唔好喇，但今年都幾刺激，好過前幾年咁靜。」反而以表演嘉賓身份上台，伊健覺得也不錯，「我成日發夢，假設《黃金兄弟》幾個阿叔上嚟唱歌，幾得意呀，或者傑仔（蔡一傑）做咗隻日文歌，咁個騷有好多人表演，呢個樂壇咪冇咁悶囉。」見他又狂讚傑仔的日文歌，那麼可會仿效一下……出國語歌？出名國語半桶水的伊健驚嘆：「唔好喇啩！我諗內地人都寧願聽我唱廣東歌，仲有味道。」
圖1：鄭伊健（中）笑稱幻想過「古惑仔」可以一齊上頒獎禮舞台，為香港樂壇出分力。
當政府說「粵語不是母語」、個個都北上掘金之際，許多人認為香港樂壇已死，近年頻頻於內地巡唱的鄭伊健卻絕不認同，「我哋唔淨係去搵人仔，仲係唱緊廣東歌。你話係咪已死？唔係呀，今年好多新歌都好聽呀，大家都好努力做緊。 」問可恨出更多國語歌，在這大中華市場分多杯羹？出名「國語有限公司」的他卻笑謂不了：「我天分唔係咁高，我諗內地人都寧願聽我唱廣東歌。」不過，他倒覺得樂壇頒獎禮應該百花齊放，無論得獎與否都可參與演出，甚至盼與「古惑佬」齊齊踩上台。
近年來，鄭伊健似乎將事業重心投放於電影上，即便登台、開演唱會都孖住「古惑佬」4位兄弟陳小春、謝天華、錢嘉樂、林曉峰共同進退，若要數其個人騷，已經追溯到12、13年的《Light and Shadow》了。不過相隔7年，伊健早前終於宣布在2月24至3月1日假紅館舉行《Along with Ekin Live Concert 2019》個人演唱會，實行跟一眾歌迷回顧入行30多年經典作品。
不排除騷肌
今次撇甩兄弟獨自踏上舞台，想必既期待又緊張吧？「過去攞咗好多經驗、成熟咗好多，經驗話畀我聽最緊要享受個過程，由年頭知道如果攞到期開演唱會，我哋大約要做啲乜嘢、練啲乜嘢，到依家就覺得好好玩，應該要慢慢享受。」比起以往單純唱歌跳舞的表演，伊健認為現今的觀眾要求愈來愈高，繼8年前將一顆樹搬上演唱會舞台後，今次決定大玩視覺效果，他大賣關子：「只能透露電影感重啲，美術上會再靚啲。至於騷唔騷肌？睇吓啲衫造成點，同美術總監朱祖兒合作咁耐，我不嬲都冇望嗰啲嘢，你畀我咪着囉，我係負責配合成件事，咁自己啲腹肌都仲喺度嘅，仲好過以前㖭！」5年沒出Solo歌的伊健又透露即將推出新曲，叫人期待。
做好粵語歌
過去幾年，雖然孖住「古惑佬」穿州過省開巡唱，賺人仔，但其實伊健仍未有忘記初衷，一直堅持唱廣東歌，繼續推崇港樂，「最開心前兩年做《歲月友情演唱會》，成個騷八成係廣東歌，我哋仲有得唱係幾自豪。」對於不少人形容「香港樂壇已死」，親歷90、00輝煌年代的伊健則謂：「人生就係咁㗎啦，Eason（陳奕迅）一個仲喺度頂住呀！冇㗎，我哋咪繼續做囉，依家唔係完全消失嘛，譬如一啲手工藝品唔係太多人買，但有人堅持會做，當買到嗰個人會好開心。我覺得自己有份參與呢個過程係榮幸嘅，其實今年樂壇我都有聽呀，好多新歌都好聽呀，佢哋都好努力做緊。」原來身為「超級機迷」的他私下亦喜歡扭開收音機，八吓樂壇現況。
再上頒獎禮
既然出新歌，接下來又會否專注製作更多新歌？伊健卻稱要睇監製陳光榮頭，「唔係唔想Focus，但都要陳光榮滿意，佢成日都覺得做咗啲歌出嚟，如果唔夠好就唔出，咁我都覺得唔可以夾硬嘅。」說到古天樂早前奪「叱咤我最喜愛的男歌手」，問可有意再於頒獎禮上爭獎？他笑謂：「唔好喇，但今年都幾刺激，好過前幾年咁靜。」反而以表演嘉賓身份上台，伊健覺得也不錯，「我成日發夢，假設《黃金兄弟》幾個阿叔上嚟唱歌，幾得意呀，或者傑仔（蔡一傑）做咗隻日文歌，咁個騷有好多人表演，呢個樂壇咪冇咁悶囉。」見他又狂讚傑仔的日文歌，那麼可會仿效一下……出國語歌？出名國語半桶水的伊健驚嘆：「唔好喇啩！我諗內地人都寧願聽我唱廣東歌，仲有味道。」
圖1：鄭伊健（中）笑稱幻想過「古惑仔」可以一齊上頒獎禮舞台，為香港樂壇出分力。
其他近期報導：
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色：基因的奇妙
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色：基因的奇妙
2023-02-21 湯盈盈洩蜜 錢嘉樂鐵漢柔情實錄曝光
2023-02-21 錢嘉樂湯盈盈細女愈大愈靚好嬌俏 網民比較兩姊妹嘆：基因的奇妙
2023-02-20 久未現身家庭照 錢嘉樂冧爆慈父樣望7歲細女
