2019-03-02 【星島日報】伊健 獲「黃金兄弟」衝上台送驚喜

瀏覽次數:91

鄭伊健「Along with Ekin Live Concert 2019」演唱會前晚在紅館舉行第五場,伊健獲「黃金兄弟」陳小春、錢嘉樂、謝天華和林曉峰踩場,原本幾位兄弟齊在觀眾席睇騷,但到encore時,眾人突然衝上台驚喜合唱,引起全場尖叫!

前晚「黃金兄弟」在紅館聚首,台上互窒惹笑不斷。小春久未開紅館個唱,一上台即趟在台上,揚言要感受過萬觀眾的尖叫聲。伊健乘機追問小春幾時開香港演唱會,小春卻謂:「唉,邊有人睇我!」全場即尖叫撐小春。「大師兄」錢嘉樂卻窒小春:「舞台無字幕機,你唱唔唱到《歲月友情》?」伊健聞言即更正嘉樂仔:「首歌叫《友情歲月》呀!」惹全場爆笑。當音樂響起,小春竟接不上,原來他沒戴耳機聽不到音樂。當眾人邊唱邊走勻四面台與觀眾握手,台下一擁上前,氣氛高漲。

連唱兩首歌之後,觀眾愈叫愈激烈,不肯離場。一班兄弟在台上商量一輪encore甚麼歌後,伊健示意唱《海闊天空》,然後全場大合唱。唱完最後一句,「黃金兄弟」擺出招牌甫士,在升降台離場。返到後台,伊健感謝兄弟來捧場,又笑指他們竟全部記得《一起衝一起闖》歌詞。原來這次兄弟合體由錢嘉樂帶頭:「我問佢哋得唔得閒一齊嚟,一講28號就全部都得,我特登改機票!」

圖1:「黃金兄弟」驚喜衝上台,與伊健(中)合唱,掀起全場高潮。