2019-05-28 【東方日報】《激戰》武指凌志華病逝　錢嘉樂感愕然

瀏覽次數：177

曾拍攝電影《激戰》、《紅海行動》的武術指導凌志華昨晚突然離世，香港動作特技演員公會會長錢嘉樂與凌志華相識接近四十年，對於老朋友離世感到突然與哀傷：「佢係噚晚喺屋企突然暈倒，送入醫院已經救唔到，暫時未知乜嘢事，呢個消息太突然，我同佢差唔多同期出道，一齊工作一齊玩，佢係一個非常有禮貌、經常笑臉迎人，盡忠職守嘅電影工作者，佢哥哥都係一個好知名嘅武術指導，我哋都有同佢哥哥聯絡，了解緊情況，如果有需要幫手嘅話，公會會全力支持。」

導演林超賢得知此事亦大表難過：「我哋之前喺摩洛哥拍《紅海》，每朝04、05去跑步，佢唔煙唔酒同埋運動量好夠，好少病，聽到呢個消息好愕然，好唔開心。」

圖1：錢嘉樂（右）、林超賢（圓圖）感到相當可惜。