2019-07-06 【壹周PLUS】【錢嘉樂世上最快樂】王喜爆當年二次創作 嘉樂出金句收服關詠荷

瀏覽次數:103

21年前,電視劇《烈火雄心》裡的南山三虎,王喜、錢嘉樂和鄭敬基這個組合十分受歡迎,原來,無論戲外戲內,三人組都充滿笑料。王喜自言,錢嘉樂最多二次創作。

「我一邊要連住南山三虎,一邊仲要連住李子雄、秦沛、上官鳯同埋羅冠蘭駱家正室的二房條線,然後仲要同少年古老闆有一條競爭線。我要穿咁多條線,變咗工作量同壓力係有別於佢哋,所以佢哋可以有閒暇空檔唱「錢嘉樂 世上最快樂」,但我就無呢個條件,如果你有睇番劇集,會發覺有好多呢啲二次創作的歌。」他說。

有些往日的畫面,對王喜來說,仍是暖在心頭。

「今日又要拍《烈火》,曬死你呀,但佢哋唔知道負責《烈火》既劇,其實有好多樂趣,例如有好多演員要拎五百蚊出嚟,記住係一九九八年的五百蚊,用來夾錢買汔水。到休息時,一打開個箱,就好似打開存摺有金光咁樣,然後洪天明、鄧兆尊,每人都會攞一罐,嗰畫面真係好開心。」他說。

而另一單笑料,也是由錢嘉樂引發。

「大家有冇印象劇中女主角關詠荷,佢喺前段飾演女消防員既時候係佩戴假髮。你知道假髮係由天靈蓋開始編織,關詠荷都係一般女演員身高,所以只要TOP SHOT就會見到個轉,本來錢嘉樂有句對話,就係點解你好人好姐,但個轉生喺頭頂。關詠荷就好認真咁話唔准再講,見到佢MISS上身,大家都好驚,即係以後唔再講,但其實好好笑。」他說。

所以拍劇期間,大家見到關詠荷稍有造次,即會出金句,然後據王喜形容,她又會變得乖乖。 https://nextplus.nextmedia.com/article/2_679562_0


 
其他近期報導:
2020-07-01一家人食鐵板燒慶生 湯盈盈獲囡囡送全部零用錢做禮物
2020-06-30 【女兒以為30歲…】湯盈盈45歲生日 錢嘉樂請食鐵板燒
2020-06-20【父親節】湯盈盈2女兒向錢嘉樂示愛:想爸爸抱我一輩子
2020-06-21錢嘉樂替身升呢 與許冠文鬥戲
2020-06-20錢嘉樂替身升呢對手與許冠文鬥戲