2019-08-08 【蘋果日報】【電影人物】張家輝被設計動作演員吳鎮宇Dry對麻甩佬

瀏覽次數:100

張家輝、吳鎮宇和古天樂主演的新片《使徒行者2:諜影行動》前晚在九展舉行首映,片中有大量動作場面,吳鎮宇在訪問中形容張家輝被捧為動作演員。其中張家輝在巴士上遇炸彈,從太平門逃生,以及和吳鎮宇在大牌檔中單、雙手開槍駁火等場景,更即時重現當年《生死時速》(Speed)及《英雄本色》的經典場面。

張家輝和吳鎮宇日前在觀塘受訪,提到動作導演錢嘉樂設計出巴士內的拳腳戲、飛車、爆破及槍戰場面,其中一場講述張家輝在巴士發現有炸彈,為了與女黑客逃離巴士,他們只好在巴士的太平門跳到另一輛車上,情節令人聯想起當年荷李活片《生死時速》,張家輝笑言:「佢哋都係抄我哋港產片!」吳鎮宇亦附和:「就係抄我哋呢套。」張家輝認為不少外國電影深受港產片影響,或多或少都會互相參考:「90年代香港動作片係真做,佢哋做嗰陣,都有荷李活嘅完善配合,你睇成龍大哥嗰啲巴士一煞停,兩個人就喺二樓跳落地下。」張家輝相信現時很多外國電影亦有參考港產片。

被騙力捧痛苦

另一場熟食檔的槍戰戲,吳鎮宇單手拿槍,張家輝則雙手,同樣令人想起周潤發的《英雄本色》,吳鎮宇指錢嘉樂要求好高,張家輝則表示:「我叫嘉樂畀支假槍我,拍完一take,佢話都係用返真槍。」今次他有很多動作場面,吳鎮宇笑他是被力捧的動作演員,張家輝搞笑回應:「成日都被人話力捧,但又捧唔到,我幾痛苦呀。當年亞視又話捧我,呃咗我幾耐,跟住同我講話捧我嗰個,之後又攞住紙皮箱執嘢走。」吳鎮宇即說:「我連呢啲門面說話都未聽過。」

吳鎮宇在片中飾演刑事情報科(反恐)警司,西裝look警察造型參考日本刑警,他更與張家輝及古天樂演繹出人性一面,會有互不信任的時候。吳鎮宇又笑言今次拍戲對着一班「麻甩佬」很dry,趁機投訴女演員太少:「每次拍control room,時間長,裏面嗰啲同事嘅男女比例唔啱,男人太多,拍一日都係對住嗰班麻甩佬,係黃祥興可以傾吓偈。」

緬甸破例借景

今次劇組到緬甸和西班牙取景,封街拍攝飛車、街頭槍戰,原來緬甸是首次開放給外國電影拍攝,而在西班牙拍奔牛節一幕,古天樂曾透露有工作人員被牛撞傷,張家輝說:「攝製隊之前已經拍咗真正奔牛節,奔牛節過咗之後我哋再拍,劇組就請返嗰日活動人士去協助拍攝,都係用真牛,由於係一個咁危險嘅活動,好難擔保完全冇事發生。」