2019-11-03 【雅虎新聞】連詩雅忍痛保玉腿拒做手術
瀏覽次數:530

連詩雅(Shiga)孖音樂人男友玩健康跑,Shiga自爆右腳因為過分勞損,導致血管增生,經常隱隱作痛,為保住42吋招牌長腿白滑,她極度不想開刀做手術,免留下疤痕。



連詩雅昨晨與音樂人男友徐浩、黎紀君、小肥等到主題樂園參加5K健康跑,錢嘉樂、湯盈盈及朱凱婷一家大細則跑3K賽,Shiga笑言沒有追時間,只是輕鬆跑:「平日忙好少去樂園玩,又要排隊,所以今次跑跑吓見到卡通人物,就走去影合照,無論年紀幾大有少少童真係好,係減壓好方法。」她笑言徐浩、小肥一開跑已不見蹤影,反而她與黎紀君手拖手衝線。



唔想留疤



熱愛跑步的她因舊患已減少腳部勞損,因為其右腳有血管增生,Shiga說:「喺大髀內側有撻青色,摸落去有幾粒嘢,醫生話有少少血管增生,會變成瘤,雖然唔會變惡性,影響唔大可以不理,亦可以做微創,但嗰個位太脹暫時做唔到,所以我驚隻腳太勞損。」她承認做運動會上癮,所以做Gym側重腹肌及上半身,腳部肌肉訓練會量力而為:「因為今年痛嘅頻率密咗,好困擾,如果要整走佢,唯一係做手術,但會有一吋或吋半疤痕,我唔係咁想。」



嘉樂父女見紅



至於錢嘉樂表示首次與兩個囡囡一齊跑晒3K,十分開心:「大女冇理我哋,同另一個姐姐一個箭步就跑前,好快跑完,仲喺終點等我哋,話要攞兩個金牌喎!」而他拖住細女跑,未料兩人絆倒一齊跌落地,他說:「兩父女第一次見紅,佢左手損咗,我就擦損咗膝蓋,經歷難忘。」




 
其他近期報導:
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色:基因的奇妙
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色:基因的奇妙
2023-02-21 湯盈盈洩蜜 錢嘉樂鐵漢柔情實錄曝光
2023-02-21 錢嘉樂湯盈盈細女愈大愈靚好嬌俏 網民比較兩姊妹嘆:基因的奇妙
2023-02-20 久未現身家庭照 錢嘉樂冧爆慈父樣望7歲細女
 
 
  木日一比 mokuSnoopy - Snoopy商品代購