2020-01-08 【東方日報】錢嘉樂畀女擒 湯盈盈睇到實

瀏覽次數:317

藝人錢嘉樂為舞台劇《今晚打老虎》綵排,對於該劇由十場減到六場,問他會否不開心?他稱還可以,因為理解到各方面都很大壓力:「呢個時勢都睇到好多公開節目同演唱會取消,其實之前有同監製傾過會唔會取消,但無論點都好,我哋努力綵排,做好自己,好多謝老闆堅持。(擔唔擔心五、六、日演出,出面會好亂?)我哋只想為香港人帶來正能量。」

嘉樂表示演出當日小朋友也會到場欣賞,而太太湯盈盈今日亦來了監場,他笑言:「佢睇住蝦頭(楊詩敏)有冇輕薄我,佢扵完我又擒阿Ben(袁偉豪),都幾開心,係開心擒。(怕唔怕太太呷醋?)劇本咁寫,唔關我事,我哋係專業。(兩個女睇到你畀人擒會唔會唔係咁好? )大女應該明白係做戲,而且我哋呢套係喜劇,會有幾過份吖!我哋係想過年前比啲開心嘢大家睇。」他透露最近跟曾志偉通電話,才發覺跟曾志偉及林曉峰在演藝開騷已是20年前,當年開了32場,問到今次志偉會否到場欣賞?他說:「佢話冇嘢做就嚟,我預佢嚟,佢肯嚟嘅話我請佢。」


 
其他近期報導:
2020-08-06被傳確診 錢嘉樂留家與囡囡扑蛋糕慶生
2020-08-05【老婆急澄清】錢嘉樂被傳感染武漢肺炎:冇事,在家中
2020-07-28獲叔父錢嘉樂過料 龐景峰組錢家班
2020-07-01一家人食鐵板燒慶生 湯盈盈獲囡囡送全部零用錢做禮物
2020-06-30 【女兒以為30歲…】湯盈盈45歲生日 錢嘉樂請食鐵板燒