2020-01-09 【蘋果日報】【銷情告急】錢嘉樂主演舞台劇因社運影響 由10場縮減至6場

瀏覽次數:372

由錢嘉樂、袁偉豪、黃智雯及楊詩敏(蝦頭)主演的舞台劇《今晚打老虎》,昨晚於灣仔演藝學院進行綵排,大會宣佈由於社會狀況關係,會由10場演出縮減為6場,雖然售票情況一般,但老闆林建名依然堅持上演,昨晚更送上水果為演員打氣。

嘉樂表示,知道大家有壓力,現時很多公開演出都要取消,會先做好自己,他說︰「多謝林博士,佢主張香港人精神,始終我哋係開心嘢,都係想過年帶畀大家開心,而且而家煙花又冇得睇,我哋為香港發放正能量。」嘉樂表示,到時太太湯盈盈和囡囡都會捧場,舞台劇中雖然和蝦頭有貼身場面,但太太不會呷醋,女兒懂事亦不擔心誤會。嘉樂指20年前與曾志偉在同一場地舉行32場《絕對舞台super show》,但今次感受很深,他說︰「當年仲話勁過劉德華,因為當年有嚟睇嘅華仔都係開10幾場演唱會,我哋開32場,曾志偉話今次有時間都會嚟。

袁偉豪指舞台劇減至6場是還原基本步,原先都是由6場增至10場,他說︰「綵排算順利,近月每日排10小時,我飾演周文賓,在劇中有男扮女裝,因為要5分鐘內轉妝,所以只簡單化妝。」黃智雯指場次越少越珍惜,她在演藝學院畢業,但未試過在這個場地演出,所以今次感覺激動,並說︰「我都會女扮男裝,同袁偉豪有一場談情戲,大家倒轉身份。」黃智雯會有古裝睡衣造型出場,她笑言自己綵排時多甩漏,其中一場舞劍更不小心插到袁偉豪小腹,幸好對方沒有受傷。


 
其他近期報導:
2020-05-26錢嘉樂狂窒吳卓羲 搞到余香凝尷尬喪話:冇!
2020-05-25湯盈盈帶囡囡去商場放電 單手抱Kassidy臂力驚人
2020-05-17相隔17年再聚 黃宗澤吳卓羲笑指馬明變咸濕
2020-05-14【飛虎之雷霆極戰】三兄弟自《衝上雲霄》後隔16年再合作 馬國明爆太呆被稱呼做「七哥」
2020-04-17錢嘉樂湯盈盈教你9招抗疫小貼士(4-6集)