2020-01-21 【蘋果日報】錢嘉樂負傷演出

瀏覽次數：796

方力申、梁漢文和胡定欣等前晚到灣仔演藝學院睇舞台劇《今晚打老虎》尾場，此舞台劇由錢嘉樂及楊詩敏（蝦頭）主演、潘嘉德執導。小方自爆原本有兩張門票，但朋友卻甩底，他說：「大家都知我下月『大壽』（40歲）啦，原本唔諗住搞，孤伶伶慶咩祝吖。不過啲兄弟話每人帶個單身女仔嚟開party，我都有成十幾個兄弟㗎！佢哋個個結晒婚，不過就興奮過我囉。」他又表示揀女友最緊要脾氣好。梁漢文曾與潘嘉德合作，因此特地捧場：「佢係第一個搵我做男主角㗎，當年拍《廟街．媽．兄弟》。」

錢嘉樂在劇中和蝦頭飾演情侶，因綵排受傷要照磁力共振的他說：「我踩『人梯』嗰part，綵排嗰陣失平衡，成個彭丹拱橋咁。之後好痛好痛，我怕拉傷韌帶，最後原來扭到個半月板啫。」為了演出，他做運動及辟穀，5個月勁減28磅。