2020-03-31 【蘋果日報】【拍過開心鬼】杜汶澤笑PK鄧戲屎 黃秋生︰而家多咗份陰氣

瀏覽次數:528

人稱PK鄧的警務處處長鄧炳強早前接受導演高志森及作家屈穎妍訪問時,透露1984年拍過高志森執導、黃百鳴主演電影《開心鬼》,戲中他演男主角吳少剛的同學仔,跟李麗珍、羅明珠等一班人露營,避雨去到古廟遇上開心鬼黃百鳴。

PK鄧自爆當時跟大學同學一起賺外快,是有對白的特約演員,所以有700元酬金。不過有當年製片話1984年茄哩啡市價70至90元一日,有對白特約都係多200元一日左右,質疑PK鄧何來700元一日的說法。之不過就解釋到他為何崇拜曾志偉、成龍等人要向他們偷師學做警察。

黃秋生今日接受《蘋果》電話訪問話見到《開》片劇照,覺得PK鄧跟錢嘉樂有點相似,他說︰「而家係多咗一種陰氣,你睇嗰時幾天真、幾清純靚仔。我諗唔到而家嗰種陰氣邊度嚟,一生人應該見到啲好唔好嘅嘢,可能佢嘅職業或者俾人恰得多,自自然生咗呢啲陰氣。」秋生笑言PK鄧可能好戲過錢嘉樂,假如沒有轉行做警察,錢嘉樂可能沒得撈。秋生又指沒留意過PK的演技,應該都是一般做吓反應的演出。

另外,杜汶澤在今日凌晨已在facebook開咪鬧PK鄧:「哦……原來茄哩啡嚟,怪唔得啲戲咁X屎啦!不過,做茄喱啡都好過依家做狗嘅,至多咪畀副導演同演員X,好過家下幾百萬人X你吖嘛。我無大造文章,亦唔覺得如獲至寶,純粹路過X你老母。」


 
其他近期報導:
2020-08-08錢嘉樂精神奕奕偕妻女慶生
2020-08-08錢嘉樂現身證無中招 一家四口扑蛋糕慶生
2020-08-08錢嘉樂精神奕奕偕妻女慶生
2020-08-06被傳確診 錢嘉樂留家與囡囡扑蛋糕慶生
2020-08-05【老婆急澄清】錢嘉樂被傳感染武漢肺炎:冇事,在家中