2020-04-04 【東方日報】湯盈盈憶洲際酒店結婚 單立文想娶多個老婆
瀏覽次數:524

藝人湯盈盈及單立文(豹哥)在電視城拍攝《愛.回家之開心速遞》,劇情講到豹哥做model,要換4套衫,但他就保持神祕不肯劇透有甚麼造型,盈盈就笑言:「我梗係做佢fans,見到佢就流晒口水,佢着咩都咁型。」問到豹哥可接受到扮女人?盈盈即笑言接受不到,豹哥即笑言:「你接受到錢嘉樂即係咩都接受到。」盈盈笑言:「係喎,我老公都扮過女人。」



而講到日前是豹哥與太太胡蓓蔚結婚12周年紀念,問到怎樣慶祝?他笑言:「因為疫情影響,所以求其打咗佢幾下就算數。」隨即正經表示在家中食飯:「佢包咗啲雲吞畀我食,因為依家費事出街,我返工要負責任,同埋對劇入面同事負責任。」問到可有送禮?豹哥表示已沒有需要,結婚7年的盈盈笑言有時更不記得慶祝,她亦提到當年舉行婚禮的洲際酒店要拆,幸好有影相留念。



而講到豹哥在IG講「希望有機會再搞多一次」,他講笑謂:「有機會我想娶多個老婆,同新老婆搞多次婚禮。」隨即才謂:「因為當年婚禮大家玩得好開心,飲到醉晒唔捨得走,好多人話嗰陣唔識我冇去,所以就想搞多次。」他又笑言盈盈執到嘉樂算係咁,盈盈即作狀打他,十分搞笑。




 
其他近期報導:
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色:基因的奇妙
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色:基因的奇妙
2023-02-21 湯盈盈洩蜜 錢嘉樂鐵漢柔情實錄曝光
2023-02-21 錢嘉樂湯盈盈細女愈大愈靚好嬌俏 網民比較兩姊妹嘆:基因的奇妙
2023-02-20 久未現身家庭照 錢嘉樂冧爆慈父樣望7歲細女
 
 
  木日一比 mokuSnoopy - Snoopy商品代購