2020-05-26 【東方日報】錢嘉樂狂窒吳卓羲 搞到余香凝尷尬喪話:冇!

瀏覽次數:407

邵氏特別節目《飛虎同學會》第三集將於今晚在myTV SUPER上架,今集請來有份參演邵氏劇集《飛虎之雷霆極戰》的藝人余香凝、蔡潔與吳卓羲(Ron)擔任嘉賓。今次三人於劇中有感情線,主持錢嘉樂、陳敏之問到兩位靚女與Ron首次合作,覺得對方如何時,余香凝謂:「真人靚過上鏡啦!Man囉!(佢有冇撩你?)冇喎! 」Ron聞言即謂:「咁死啦!我靠個樣搵食㗎!」蔡潔則謂:「佢喺我印象中係古裝樣嚟!因為細細個睇《大唐雙龍傳》。」

Ron指拍攝《飛虎》時,余香凝於拍攝現場甚少說話,故很驚跟對方說話時她會有所誤會,錢嘉樂即問余香凝:「佢有冇話放工我哋搵個地方試吓戲咁?」余香凝笑言:「冇!」Ron即向錢嘉樂說:「乜你對我嘅印象真係咁差咩!」蔡潔指豈初怕Ron為人火爆,但其實他為人很好、很細心,第一日開工就請大家食Tea,不過就被Ron笑她膚淺。

再要兩位靚女說出Ron缺點時,二人傻笑表示:「冇喎!」蔡潔謂:「對我嚟講係比較少傾偈囉!」而蔡潔真人比劇中角色阿敏靚得多,她謂:「劇入面我係做電腦專家,但我真人係電腦白癡嚟,同埋我唔使睇Playback都唔驚,因為個角色好醜樣,不過拍嗰三個月好開心,有好多型男圍住隔離。」

蔡潔第一部電影就獲金像獎提名「最佳新人」,說到戲中與曾志偉有場大膽戲份,她謂:「導演都知呢場戲唔易做,想我挑戰。」錢嘉樂謂:「咁曾生就親自同你試戲?」蔡潔怕羞謂:「我哋冇試戲。」Ron笑言:「直接嚟就拍喇!」


 
其他近期報導:
2020-08-06被傳確診 錢嘉樂留家與囡囡扑蛋糕慶生
2020-08-05【老婆急澄清】錢嘉樂被傳感染武漢肺炎:冇事,在家中
2020-07-28獲叔父錢嘉樂過料 龐景峰組錢家班
2020-07-01一家人食鐵板燒慶生 湯盈盈獲囡囡送全部零用錢做禮物
2020-06-30 【女兒以為30歲…】湯盈盈45歲生日 錢嘉樂請食鐵板燒