2021-02-20 【蘋果日報】錢嘉樂認TVB要有新氣象 等志偉徵召隨傳隨到

瀏覽次數:117

TVB綜藝節目最近被ViuTV打到落花流水,要找曾志偉回巢出任副總經理(綜藝、音樂製作及節目)救亡,ViuTV 於下周一將推出新節目,由何啟華(阿Dee)和陳海寧主持的《家多咗個PET》迎戰,不過阿Dee笑指沒有打仗心,目標是大家肯睇電視。談到大台視ViuTV為勁敵,阿Dee說:「我呢啲蝦兵蟹將,我覺得有競爭係好事,大家都想有娛樂啫,百花齊放。」他又指公司製作的《最後一屆口罩小姐》將近完成拍攝,估計3、4月推出,而ERROR亦有《ERROR自肥企劃》,問到隊友保錡近況如何,阿Dee表示不回應。 至於跟志偉友好的錢嘉樂,被問到可會被急召返大台幫手?嘉樂表示:「電視嘢交畀曾志偉啦,畀佢返去開咗啲會先,佢呢排都好忙,但我哋有見過面、食過餐飯,畀副總經理策劃下先。其實都好嘅,有啲新氣象,我覺得都需要啦!」 至於食飯當日,盛傳同樣會回巢的何麗全有沒有出席?他說:「唔喺度,我哋自己朋友當開年,好簡單一餐飯,大家都冇傾工作,太耐冇見,仲講呢啲咩?但如果佢(曾志偉)叫到,我一定隨時候命,大家合作咗咁多年,等佢搞咗佢想搞嘅嘢先。」不過嘉樂指自己反而側重於電影方面,「演員同動作指導係我最想做,所以今日好開心,適逢初七開返戲院,不過我入未戲院睇戲,因為有兩個女。」 此外,最近TVB人事變天,何哲圖辭任星夢娛樂行政總裁,有傳言指馬浚偉會入主星夢做高層?記者向馬仔了解,他笑說:「梗係冇咁嘅事,我之前係話如果志偉叫我傾合作,我一定樂意,但唔知點解傳吓傳吓話我做星夢高層,真係笑咗,我邊有咁多時間做全職?我自己都有好多嘢做!」 Video: https://hk.appledaily.com/entertainment/20210220/MVTTCS6U7BDKHNPDH2EY33X4HE/?fbclid=IwAR2Z35tBCxXA673Z46YrhCpL0o0JCjhCSnF7Kd9ZcirLkfJ3awmNfL49BqI


 
其他近期報導:
2021-04-01【小鴨都反肚】湯盈盈錢嘉樂一家四口Staycation 囡囡白衫瞓身浸浴惹熱議
2021-03-24【總是有愛在隔離】許冠文義演為業界籌款 錢嘉樂多年前曾為偶像做替身
2021-03-24跟錢嘉樂一文一武擦出火花 77歲許冠文鍾意動作戲唔使諗對白
2021-03-24抗疫片 | 77歲許冠文34℃着潛水衣瞓身爬通風管 動作設計錢嘉樂:唔關我事
2021-03-24總是有愛在隔離|古天樂等七影帝拍港產片 大玩隔離酒店逃生教學 最驚喜呢位影帝出山……
 
 
  木日一比 mokuSnoopy Facebook