2021-03-13 【晴報】多功能武指丨錢嘉樂不解溫柔到學懂製造驚喜 默默耕耘網民讚真「獅子山精神」
瀏覽次數:569

嘉樂與太太湯盈盈喺節目《超級無敵獎門人》中擦出愛火,兩人於2012年結婚,婚後誕下大女凱晴和幼女凱琪,一家四口經常於社交平台曬幸福,唔經唔覺,大女凱晴已經8歲,日前嘉樂喺佢IG post一家人同大女慶祝生日嘅合照,非常溫馨!

Kassidy出世時同爸爸十足餅印,不過愈大愈似媽咪;大女就爸爸媽媽都似,兩姊妹各有各可愛。嘉樂表示自囡囡出世後相當享受親子時間,感激盈盈持家有道,雖然四人行,都會抽空享受二人世界。「鐵漢」嘉樂仲因為太太改變咗唔少,佢話自己本身唔係有太多驚喜畀太太嘅男人,不過相處耐咗,太太教識佢細心,有時會提佢結婚周年紀念。依家嘅佢學識紀念日會畀驚喜對方,嘉樂發現間唔中都需要去做吓,婚姻生活就要互相氹對方,雖然老土,但就覺得幾得意又開心。

合照仲引發大家討論嘉樂個樣,唔少人都話佢睇落老咗好多有啲心痛,網民都大讚佢係顧家好男人,更對佢為香港電影作出嘅貢獻予以肯定!錢嘉樂1993年轉向電視界尋找出路,1996年獲曾志偉邀請代替陳小春在無綫電視《超級無敵獎門人》系列擔任「獎老」,及後多數以搞笑形象亮相。演出多部劇集,演技都相當唔錯,當中以《封神榜》嘅三眼仔楊戩最為突出。

2012年,錢嘉樂在《萬千星輝頒獎典禮2012》獲無綫電視頒發「傑出演員大獎」,肯定其於演藝圈中的貢獻及付出。同年憑《車手》與黃偉輝和吳海堂獲得台灣金馬獎「最佳動作設計」獎。2004年嘉樂拍攝《旺角黑夜》飛車特技場面時萌生推廣有關特技文化嘅念頭,於是羅致一群喜歡玩汽車飄移嘅青年參與飛車特技場口,漸漸地形成了現時嘅「錢家班」。

嘉樂有份參與嘅電影,單係由佢擔任動作指導嘅已經有58套,有份演出嘅仲多達125套,基本上近年有飛車特技嘅場口都係由「錢家班」包攬,網民更驚嘆2018年電影《黃金兄弟》嘅飛車場面好似荷里活電影咁出色,對香港電影界嘅貢獻無庸置疑。而且嘉樂一向予人謙厚之感,從來都冇話喺鏡頭前認叻,非常低調,大家都讚譽佢嘅默默耕耘,可以喺云云嘅武壇大哥大當中打出自己一片天地,係真正嘅「獅子山精神」咁話。




 
其他近期報導:
2022-08-02 開心無敵獎門人丨錢嘉樂為曾志偉回歸做獎老 5個經歷獲讚不忘本
2022-08-01 TVB收視全面回升 《獎門人》首播最高收24.5點成No.1
2022-07-31 開心無敵獎門人|劇透有辣辣壽司、搵啖食 15個最難忘經典遊戲!
2022-07-30 開心無敵獎門人|JW豪邁示範黐乳貼嚇窒曾志偉:唔使乸開嚟睇嘅
2022-07-29 陳山聰錄《獎門人》後確診  無綫:嘉賓快測冇確診才入廠
 
 
  木日一比 mokuSnoopy - Snoopy商品代購  


  日系山林 Mountain Forest 限定商品代購