2021-12-02 【晴報】青春本我|錢嘉樂湯盈盈首度合體演兩公婆 同劇仲有邊對係真‧夫妻?
瀏覽次數:61

由《聲夢傳奇》和《盛‧舞者》學員主演的青春校園劇集《青春本我》將於12月5日播出,其中15位《聲夢》學員都有出演,如炎明熹(Gigi)、姚焯菲(Chantel)、鍾柔美(Yumi)等。除此之外,姜皓文和陳煒、錢嘉樂和湯盈盈、楊證樺和沈可欣,黎燕珊、楊玉梅及蘇麗明分別飾演不同學員的父母,當中楊證樺與沈可欣、錢嘉樂與湯盈盈在現實中均是夫妻。

楊證樺與沈可欣這對真‧夫妻在無綫劇集中曾多次扮演夫妻,如《平安谷之詭谷傳說》、《踩過界》、《那些我愛過的人》等,今次兩人扮演張馳豪(Aska)及詹天文(Windy)的父母。相反,錢嘉樂與湯盈盈就是第一次合作拍劇,兩人演文凱婷(Aeren)的父母。

問到《青春本我》總導演、編審李敏怎樣令錢嘉樂兩公婆「獻出第一次」,她笑言:「其實我同嘉樂之前係街坊,而家都住得近,加上志同道合,所以佢一直好支持我呢齣青春歌舞心理劇,佢係最早期聽concept同demo嘅人。」錢嘉樂以身手了得聞名,李敏一直有感劇中未有角色適合對方而苦無合作機會,直到鎖定找湯盈盈演出虎媽一角,才靈機一觸,李敏表示︰「其實我之前完全唔知佢哋冇喺幕前一齊演出過,我哋知盈盈本身係好溫柔嘅人,搵佢做虎媽係因為覺得佢口齒伶俐,可以handle到個角色,然後就順便叫埋嘉樂嘉樂亦都好爽快就答應。」

《青春本我》一劇亦找來吳業坤、朱敏瀚、吳若希、麥秋成、林子超、陳苑澄(Tania)等扮演老師,王祖藍、鄧梓峰、音樂人Johnny Yim就分別飾演校監、校長及小學部校長。李敏繼電影《給我一天》後再與王祖藍合作,她笑謂:「嗰次同佢合作真係好舒服同愉快,佢真係好勤力嘅演員,會坐埋一邊係咁讀劇本。再加上我睇過佢舞台劇演出,同埋感受到佢對musical嘅喜愛,所以我一決定拍歌舞劇就覺得佢做校監會好有效果,而佢亦好爽快答應。」


 
其他近期報導:
2021-12-01青春本我|Chantel被爆「NG王」 錢嘉樂孖湯盈盈首度幕前演夫妻
2021-12-01青春本我|錢嘉樂湯盈盈幕前首演夫妻
2021-12-01錢嘉樂湯盈盈首度合演夫妻 Chantel忍唔到笑被封NG王
2021-11-06人盯人!「閹槍」做足檢查
2021-09-27TVB御用大隻佬 | 離婚+收入減+照顧兩自閉兒子 鄭健樂Rocky積極重回正軌:希望兒子將來懂得照顧自己
 
 
  木日一比 mokuSnoopy Facebook