2022-01-15 【晴報】愛回家丨錢小豪驚喜現身與弟婦湯盈盈做對手戲 「難得喺香港就客串一集玩吓」
瀏覽次數:68

《愛回家之開心速遞》收視向來不錯,特別是近日Omicron疫情不穩,晚市被禁堂食,帶挈三線劇集的收視都有所上升。《愛回家》監製林建祥不時會為大家帶來驚喜的劇情,昨晚播出的預告所見,竟然找來錢小豪客串,不少觀眾見到預告都大表期待。「竟然有錢小豪?好驚喜喎!」、「點解唔係拍殭屍主題?」、「錢小豪加湯盈盈,會唔會有埋錢嘉樂?」、「錢小豪同湯盈盈會唔會有感情戲?係都幾好笑...」等等。

根據無綫發放的預告內容透露,潮偉(袁文傑飾)的電影公司拍戲期間,發現一名女特技人拗柴被迫失場,David(湯盈盈飾)因有電單車牌,於是自薦頂上,沒想到表現非常出色,被邀請加入特技人的行列。而錢小豪相信是客串特技公司的武術或動作指導。

第一千四百七十七集「特技菲」

瑞素(古佩玲飾)為栢菲(湯盈盈飾)占卜,着她接受新挑戰,將會有新突破。接龍集團投資潮偉開拍的全新動作網劇,力蓮(林淑敏飾)着栢菲往片場進行直播,以宣傳尋寶圖的產品。潮偉請來首屈一指的武指團隊參與拍攝,負責電單車飛車場面的女特技人卻臨時受傷,找不到人來頂替。持有電單車駕照的栢菲自告奮勇上陣,順利完成拍攝。武指團隊負責人大讚栢菲,並邀她加盟出任特技人,栢菲決定接受挑戰……栢菲將要拍攝一場極危險的爆炸戲,樹仁(單立文飾)決意設法阻止……

湯盈盈在社交平台分享多張花絮照片,並留言說:「突破自己接受新挑戰!今晚「特技菲」 @愛回家之開心速遞 看看我們的特別嘉賓! You see who?!? #高柏菲 #David #錢家班 #特別嘉賓 #錢小豪 #特技人 #特技菲 #stunt #stuntriding #愛回家之開心速遞 #tonight #tvb」

而錢小豪接受《晴報》電話訪問,問到是否客串演出,他說:「係呀,我都唔知聽晚出街,因為其實只係前一、兩個星期拍嘅!難得盈盈叫到,做大伯嘅梗係一齊開吓Party啦,好多年冇去TVB拍戲,當見吓好朋友,當係派對聚會,見吓攝影師、監製同導演,非常開心!」他表示過往一直忙於在內地工作,剛剛返港不久,難得在香港就客串一集當敘舊。錢小豪透露由於疫情的關係,相信最快都過農曆年後才會返內地繼續拍攝工作,「最快都要過埋年先走,香港有Omicron,返上去要隔離21日,所以叫經理人安排一吓,手頭上片約有3、4部,希望安排埋一次過拍,咁我就一次過隔離,一次過拍晒,之後先返香港再隔離。而家好慘呀,去到邊度都要隔離!」




 
其他近期報導:
2022-05-25 【大台改革】TVB藝訓班香港內地同步招生 曾志偉碌人情卡邀星級導師講課
2022-05-23 《獎門人》有罪?
2022-05-06 360秒人生課堂︱錢嘉樂憶當年主持《獎門人》似行刑
2022-04-04 披露 10 年前拍床戲辛酸 方力申被爆講大話會面紅
2022-04-04 講你都唔信︳曾志偉壓軸落場講古後輩做主持 肥仔聰記仇玩《獎門人》被針對
 
 
  木日一比 mokuSnoopy - Snoopy商品代購  


  日系山林 Mountain Forest 限定商品代購