2022-02-11 【HK01】不可能任務|戴祖儀學做龍虎武師累街坊 自責流淚:做極都做唔到
瀏覽次數:96

無綫全新熱血綜藝節目《不可能任務》,將會由16名藝人分別接受「動作特技考驗」及「特警遴選體驗」兩大不可能挑戰;接受首項「動作特技考驗」挑戰任務隊長張振朗,將會率領隊員戴祖儀、孔德賢、劉頌鵬、杜穎珊、古天祥、何慈茵及劉展霆,接受香港動作特技演員公會會長錢嘉樂,及國際級動作導演林迪安精心安排為期十天的龍虎武師基本功訓練,包括拉筋、側滾翻、前滾翻、片腿、跨腿以及如何做反應等。雖然昨晚播出的訓練內容在林迪安眼中只是「小兒科」,但一眾藝人卻各有各「倒瀉籮蟹」,當中戴祖儀(Joey)不但在拉筋環節中叫苦連天、柔軟度比男隊友還遜色;之後在翻滾訓練環節,Joey雖有完成整套動作,但全程美感欠奉,連她自己亦大感不滿意。

自感技不如人的Joey深怕連累隊友,最終忍不住流下自責的淚水:「我好驚我太fresh會影響大家嘅進度,我冇乜自信,但又唔想畀人知。所以我會加倍開心同加倍有反應!我其實冇整親,我只係唔明點解我做極都做唔到,我知技巧喺邊,但我都依然係每次都做唔到。任何踢腿類型動作都好難,自己一直知道呢個問題,但一路冇處理,到今日見到兩位大前輩,就係一個狀態最差嘅自己。」隊長張振朗則坦言擔心Joey:「可能大家認識嘅Joey係樂天、鍾意玩、好chill嘅女仔,估唔到佢會因為做唔好啲動作而喊出嚟。」Joey事後接受無綫娛樂新聞台訪問時坦言,是首次不是因為劇情需要在鏡頭前真喊:「仲要喊到成個豬頭咁,我依家好擔心出到街會唔會好樣衰。」既搞笑又可愛。Joey又笑指經歷是次訓練後,更懂得如何「迎難而上」。

其實是次是由張振朗主動提出挑戰龍虎武師這項任務,並主動致電錢嘉樂出手幫忙。張振朗在節目中亦有透露選擇挑戰相關任務的原因:「當年我第一次拍動作戲,套劇係《包青天(再起風雲)》,要連續三十日拍打戲。當時個武指出名好猛,猛話我:『你係咪男人嚟,咁都做唔到?』我好記得有個動作我要原地捉住譚俊彥隻手再扯番上隻馬度,我因為咁墜咗好多次馬,但成個過程最開心係聽到人哋話『你終於似番個男人』,我覺得咁樣辛苦都係值得嘅。」本身是龍虎武師出身的錢嘉樂,坦言是次「出手」是因被張振朗熱誠感動,他在節目中亦勸勉一眾藝人努力學習、展現實力:「唔好吓吓都用替身,真真正正自己百分百做到之餘,仲要安全咁喺觀眾前面呈現到一啲嘢。」




 
其他近期報導:
2022-05-25 【大台改革】TVB藝訓班香港內地同步招生 曾志偉碌人情卡邀星級導師講課
2022-05-23 《獎門人》有罪?
2022-05-06 360秒人生課堂︱錢嘉樂憶當年主持《獎門人》似行刑
2022-04-04 披露 10 年前拍床戲辛酸 方力申被爆講大話會面紅
2022-04-04 講你都唔信︳曾志偉壓軸落場講古後輩做主持 肥仔聰記仇玩《獎門人》被針對
 
 
  木日一比 mokuSnoopy - Snoopy商品代購  


  日系山林 Mountain Forest 限定商品代購