2022-03-21 【其他報導】講你都唔信|曾志偉出山主持爆料式遊戲節目 愛將波波黃婧靈做首集嘉賓 網民:想取代JJ?
瀏覽次數:53

曾志偉升呢無綫總經理後來,出山主持全新遊戲節目《講你都唔信》,仲搵埋昔日《獎門人》拍檔錢嘉樂,首集搵來23歲愛將波波(黃婧靈)做嘉賓,影大合照都企正隔離,突顯地位!

講你都唔信|遊戲玩法以娛樂爆料做主題

《講你都唔信》節目以遊戲形式進行,每集的三組嘉賓將會根據特定主題,每人講出真假故事,其餘隊伍需要選出講假故事的嘉賓,留意三位組員講到幾咁天花龍鳳、繪影繪聲都好,其中一人正在「作故仔」。估中得分,得分最少的隊將會被淘汰,其餘兩組晉級,再與新加入的挑戰組比拼,經過一星期三集後,最後勝出組別將會獲得大獎!

曾志偉相隔5年主持綜藝 孖錢嘉樂再合體

曾志偉相隔五年出山主持全新遊戲節目《講你都唔信》,將於周一(3月21日)起晚上十時半首播,為了宣傳節目,曾經理率領主持錢嘉樂、丁子朗、林秀怡以及嘉賓波波、莊思敏進行拜神儀式。 首集嘉賓有曾志偉愛將波波,她以超緊身背心現身,不時露出黑色bra帶,成功搶晒鏡!

黃婧靈取代JJ「啜波波」?

曾志偉同錢嘉樂呢個組合,好難唔令大家想起《獎門人》,首集搵波波打響頭炮,網民即追問是否有意搵「新一代性女」之稱的波波,去取代當年玩「啜波波」JJ(賈曉晨)?波波接受無綫娛樂台訪問時,表示擔任嘉賓所以唔會太緊張,會以輕鬆心情去玩,更笑指男人最叻講大話,怕玩遊戲時遇到男對手會被騙,但未有透露遊戲詳情﹗

曾志偉:唔想畀人話用《獎門人》去打人

近來無綫綜藝收視未如理想,曾志偉接受傳媒訪問時被問到是否出山救收視?佢就話係「救自己」,自己都好想再出動主持綜藝節目,又指唔擔心收視,因為疫情個個留家,無綫收視一直唔錯,笑指只怕自己拉低收視。曾志偉透露之前有意再搞《獎門人》 :「但係唔想畀人話用《獎門人》去打人﹗」才把計劃擱置,但適逢今年無綫55周年,《獎門人》25周年,有意再搞《獎門人》同大家集體回憶﹗

《獎門人》今年25周年,曾志偉預告好大機會回歸﹗(圖片來源:東方新地)

回應「閉環式」拍攝 曾志偉:好多人報名

最近傳出無綫有意「閉環式」拍攝三星期,曾志偉回應時指因有禁足、封城的傳聞,娛樂機構要如常提供娛樂給大家,所以擬定一系列電視城的準備,他亦「身先士卒」第一個參加,但由於香港暫時仍未「禁足」,這次「出山」主持就當是預演,曾志偉話:「等大家習慣吓先,好多人報名,節目會有唔同主持同嘉賓,暫定拍三星期﹗」,對於傳聞指「閉環式」拍攝8個節目,他表示原定唔止8個,推行與否要視乎政府政策﹗曾志偉又指本來已安排在露天停車場設置大型帳篷,分開男女,供員工休息﹗問到有否獨立私人空間?曾志偉指可以在內放小帳篷,又指天氣回暖,唔怕風吹兩打

曾志偉確認無綫有500人確診

曾志偉又指「閉環式」原計劃約12人,以司儀為主,又指好多人報名﹗對於有傳無綫有500人 確診,曾志偉證實消息,並指這個數字跟政府指約七個人有一個人相若,公司約有三千多人,他指佔很少部份是在電視城染疫,原定劇組停廠至本月20號的安排,曾志偉透露並非所有劇可以復工,但絕不擔心存貨量,因為公司好多貨咁話﹗

又擺馮盈盈、江嘉敏上枱?

《講你都唔信》一共有九集,除了鐵膽錢嘉樂和曾志偉外,據知主持還有馮盈盈、鄭衍峰、丁子朗、方紹聰、江嘉敏、林秀怡等,每集安排三組嘉賓亮相,嘉賓需要猜出誰人是說假話。最近傳出馮盈盈唔聽話被掟入雪櫃,今次解凍全靠曾經理,曾志偉承認是他去搵馮盈盈主持﹗而馮盈盈死對頭江嘉敏都有份,未知會否又安排一起增加節目話題及效果﹗




 
其他近期報導:
2022-05-25 【大台改革】TVB藝訓班香港內地同步招生 曾志偉碌人情卡邀星級導師講課
2022-05-23 《獎門人》有罪?
2022-05-06 360秒人生課堂︱錢嘉樂憶當年主持《獎門人》似行刑
2022-04-04 披露 10 年前拍床戲辛酸 方力申被爆講大話會面紅
2022-04-04 講你都唔信︳曾志偉壓軸落場講古後輩做主持 肥仔聰記仇玩《獎門人》被針對
 
 
  木日一比 mokuSnoopy - Snoopy商品代購  


  日系山林 Mountain Forest 限定商品代購