2022-03-22 【HK01】講你都唔信| 林盛斌曾遭誤認盧海鵬 爆笑還原撞樣真相
瀏覽次數:214

由「獎門人」曾志偉聯同錢嘉樂,帶領新一代主持馮盈盈、丁子朗、鄭衍峰、江嘉敏、方紹聰及林秀怡主持的無綫全新綜藝遊戲節目《講你都唔信》,昨晚(21日)已經播出。節目邀請多位嘉賓參與,大爆「講你都唔信」的趣事及秘史, 為觀眾送上歡樂及正能量。

每集將邀請兩組嘉賓作賽,圍繞當晚主題大講「孰真孰 假」小故事,並由另一隊伍競猜故事虛實,成功呃人者可獲得分數,每晚分數較高 一隊可晉級至第二集,並與新加入挑戰的隊伍比拼,最終勝出隊伍有機會贏取大獎。 昨(21日)晚一集由曾志偉、錢嘉樂、丁子朗及林秀怡主持,並由「兄弟幫隊」的 林盛斌(Bob)、王梓軒及范振鋒,迎戰「烈女隊」的江美儀、莊鍶敏及黃婧靈(波 波)。今集6位嘉賓輪流配合主題「人生中最『瘀』的事」大講「講你都唔信」驚人 故事!當中最令人難以置信的,要算是江美儀的「野外如廁」事件。江美儀透露當 年與男朋友拍拖期間,原本二人吃完飯後甜蜜地駕車返回女方香閨,豈料途中美儀 人有三急,原本美儀只是溫柔地叮囑男友「開快一點」,但最終還是肚痛難耐,隨 即「擸」紙巾跳車衝入草叢解決,豈料卻因太匆忙發生爆尷事件:「舒服到不得了! 我直情覺得人生最爽係嗰刻。但係我唔記得咗一樣嘢,就係佢(男友)個車頭燈當 時係向住我,咁我成個過程佢即係睇晒嘅,咁我咪好尷尬咯,死喇 ,『休』番條褲 定點呢?咁之後我咪休番條褲上番車當冇嘢咯。」

至於向來口才了得的Bob,則以一個極假的態度,訴說了一個爆笑感十足的真實故 事。Bob透露四、五年前與助手到柴灣某工業大廈工作,與數名市民等期間遇上 一名目測六十至七十歲的阿伯向他大叫「明星喎」。Bob透露當時只能禮貌打招呼回 應,豈料對方繼續搭訕,更愈講愈唔對路:「佢問:『嘩!唔見你做電視嘅?』我心 諗冇理由架,跟住佢又話:『我以前好鍾意睇你做大白鯊』。我當時心諗咪住先,我 又冇拍過西片,咩《大白鯊》呀?佢就再回:『大姐明,蝦仔爹哋呀嘛!』當時其 他等嘅人人笑到,我心諗你認錯我係盧海鵬?」

阿Bob坦言事後上網認真研究鵬哥後生時的樣子,並終發現二人撞樣真相,更即場展示戴了黑框眼鏡後的鵬哥與自己的相似度,十分爆笑。網民事後笑指「補刀」功夫一流的志偉哥依然「寶刀未老」 哩。 至於波波則自爆讀中四期間,有天放學與同學到銅鑼灣行街時,忽發奇想欲一口氣 衝上「一條落緊嘅扶手電梯」,抱著必勝決心的波波在發行力猛衝期間意外大字形 跌倒,結果春光乍洩並自始獲封「銅鑼灣粉紅色」。搞笑的是,波波講故事期間竟 夾雜了「假資訊」混淆視聽,弄得「兄弟幫隊」摸不清虛實。講了一大輪故事後, 最終由口才及呃人技巧均略勝一籌的「烈女隊」勝出!而今晚及明晚播出的《講你 都唔信》,嘉賓陣容將加入「森美旅行團隊」森美、麥美恩、吳若希,以及「食腦 三子隊」何廣沛、郭子豪、方紹聰;節目主題則分別是「人生中最瘋狂荒謬的事」 及「一件飲酒發生的事」。




 
其他近期報導:
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色:基因的奇妙
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色:基因的奇妙
2023-02-21 湯盈盈洩蜜 錢嘉樂鐵漢柔情實錄曝光
2023-02-21 錢嘉樂湯盈盈細女愈大愈靚好嬌俏 網民比較兩姊妹嘆:基因的奇妙
2023-02-20 久未現身家庭照 錢嘉樂冧爆慈父樣望7歲細女
 
 
  木日一比 mokuSnoopy - Snoopy商品代購