2022-03-24 【東方日報】曾志偉婚禮發酒瘋叫人默哀 吳若希浸豬籠慘被「棄屍」
瀏覽次數:113

無綫總經理曾志偉、錢嘉樂率領馮盈盈、丁子朗、鄭衍峰、江嘉敏等主持的綜藝節目《講你都唔信》,每集將邀請兩組嘉賓作賽,圍繞當晚主題大爆「講你都唔信」趣事及秘史,日前除了請來「烈女隊」江美儀、莊鍶敏、黃婧靈,還分別加入「森美旅行團隊」的森美、麥美恩、吳若希,以及「食腦三子隊」的何廣沛、子豪、方紹聰(奶仔),節目主題分別是「一生人最瘋狂嘅事」及「飲醉酒嘅經歷」。

身為主持的志偉率先自爆曾因醉酒失神,還於好友上山詩鈉婚禮台上錯叫嘉賓「一齊起立默哀」,十分尷尬。之後志偉再爆搭飛機遲到的瘀事:「我嗰次根本入唔到閘,因為架飛機飛咗,諗住走啦!但工作人員話冇問題等埋我,我心諗:『唔係飛咗咩?』結果我入到去,真係全架飛機嘅人都望住我,佢哋真係嬲,原來架飛機真係已經行咗出去,但零件問題返轉頭修理,但成機嘅人誤會咗係因為我而返轉頭。」森美則先後訴說「巧遇米高積遜(Michael Jackson)兒子」以及「假蛇酒」事件,他於講故事時除大跳Moonwalk,更「鄉音大叔」上身講述「假蛇酒」事件。森美提及當年於美國讀書時,派對遇上一個自稱是米高積遜兒子的人,對方更示意教他Moonwalk,說到此事,森美即席示範Moonwalk,惟遭揶揄似踩屎。

至於吳若希描述的「浸豬籠」事件亦非常搞笑,透露加入無綫後即獲安排拍攝古裝劇,劇情講述其浸豬籠,故要綁手綁腳躺在豬籠裏,並被浸入水中,沒料當「上水」後,工作人員竟連人帶豬籠將她放在一旁,期間更疑似遺忘了她,結果靜待了45分鐘才被發現。




 
其他近期報導:
2022-09-16 【港姐2022】佳麗總決賽前閉環受訓 兩大學霸佳麗手拖手闢謠
2022-09-09 獎門人|曾志偉以《怪獸公司》阿Boo造型亮相 錢嘉樂笑問:你想點?
2022-09-03 獎門人丨曾志偉染疫康復錄影狀態好 鄭衍峰好無辜玩遊戲下體遭殃
2022-09-05 擔任「一次性用完即棄獎門人」 蘭茜晒志偉腔大嗌「打和」
2022-09-05 獎門人︱方力申緋聞遭擺上枱 被爆食盡「曲奇餅」
 
 
  木日一比 mokuSnoopy - Snoopy商品代購  


  日系山林 Mountain Forest 限定商品代購