2022-03-28 【AM730】曾志偉力撐馮盈盈 否認遭無綫雪藏︰佢隔離之嘛
瀏覽次數:118

無綫綜藝遊戲節目《講你都唔信》今個星期有「獎門人」曾志偉,聯同錢嘉樂帶領馮盈盈及鄭衍峰,為第二輪比賽擔任主持,今明兩晚的嘉賓分別為肥媽、薛家燕、陸浩明、阮兆祥、鄧兆尊、何遠東、曹永廉、車婉婉及商天娥,三隊人馬將分別圍繞「第一次」及「講你都唔信」兩大主題進行講故仔技巧大比併。

緋聞情侶再合作

馮盈盈與鄭衍峰曾傳過緋聞,早前她又被指唔聽話而遭無綫雪藏,曾志偉為她澄清︰「邊個人入過雪櫃啫?呢度冇人入雪櫃,其實係佢去咗隔離,拉番佢返嚟咋!」嘉樂仔聞言再加多兩錢肉緊幫口:「傳吓傳吓就變咗第二件事,人哋隔離之嘛,又話人哋雪藏。」問到志偉是否睇中馮盈盈與鄭衍峰是過氣情侶,所以專誠「撮合」二人,志偉聞言再搞鬼謂:「我從來唔知呢啲嘢喎!原來你哋已經過咗氣……」嚇得馮盈盈與鄭衍峰異口同聲謂:「緋聞緋聞!」之後口多多的嘉樂仔再追問二人緋聞孰真孰假,二人再顯示默契同步謂:「講你都唔信啦!」




 
其他近期報導:
2022-09-16 【港姐2022】佳麗總決賽前閉環受訓 兩大學霸佳麗手拖手闢謠
2022-09-09 獎門人|曾志偉以《怪獸公司》阿Boo造型亮相 錢嘉樂笑問:你想點?
2022-09-03 獎門人丨曾志偉染疫康復錄影狀態好 鄭衍峰好無辜玩遊戲下體遭殃
2022-09-05 擔任「一次性用完即棄獎門人」 蘭茜晒志偉腔大嗌「打和」
2022-09-05 獎門人︱方力申緋聞遭擺上枱 被爆食盡「曲奇餅」
 
 
  木日一比 mokuSnoopy - Snoopy商品代購  


  日系山林 Mountain Forest 限定商品代購