2022-03-31 【巴士的報】湯盈盈自爆為舊愛受傷留疤錢嘉樂嬲到轉身走

瀏覽次數：230

兩公婆擺明耍花槍啦！

《講你都唔信》昨晚（30日）一集，由「獎門人」曾志偉繼續聯同錢嘉樂，帶領馮盈盈及鄭衍峰擔任主持，嘉賓由「長情男子」隊的阮兆祥、鄧兆尊、何遠東，對戰「愛回家」隊的滕麗名、呂慧儀、湯盈盈，當中錢嘉樂與湯盈盈的甜蜜互動上，兩人不時眉來眼去兼打晒眼色，一度遭獎門人發現兼嚴斥。

不過，二人的甜蜜熱熾氛圍隨著盈盈的故事走進寒冰期，事緣盈盈指手上的超長疤痕是因當年為男友「擋武器」所致，由於盈盈說至繪形繪聲，嘉樂聽至醋意大發，一邊大叫「我唔係好想聽呢個故仔」，一邊扮嬲走出鏡頭以外兼揚言：「我唔做喇！」

邊苦笑邊搖頭待盈盈說畢整個故事的嘉樂，再度「回歸」大叫「我唔信」，之後又反高潮溫柔反問愛妻謂：「你又話我係你初戀嚟嘅？」隨即惹來哄堂大笑。祥仔事後指出由於主持行出廠景是大忌，故認為盈盈應是在講真話，嘉樂聞言再度激動謂：「我唔係主持，我係受害者」，最終盈盈在嘉樂「助攻」下成功騙過「長情男子」隊勝出比賽。