2022-05-06 【巴士的報】為幫家人還賭債捱出彩虹 「幕後女英雄」慧慧被患病妹妹一句點醒
瀏覽次數:51

慧慧嘅恩師錢嘉樂直言:「我哋香港動作電影咁出色,唔係靠一、兩個人,而係靠一班無名英雄。」

《360秒人生課堂》昨晚(5日)演講嘉賓乃曾為無數女演員擔任過動作替身的「幕後女英雄」周穎箖(慧慧),旁聽嘉賓則為擁有近六十年龍虎武師經驗、慧慧恩師之一的火星哥。

擔任特技演員長達21年的慧慧,小時候因為家人欠下過百萬巨債、年紀小小便幫忙看檔做小販,也因而練出好身手:「廿幾架車一齊走鬼,為咗唔畀人拉,我試過擒水渠二樓跳入後花槽,又試過跳山坡匿埋。」未幾小販生意捱不下去,慧慧放棄學業,並在花樣年華之齡「瘋狂打工」,短短五年內幫媽媽還清債務:「我每日打兩份工、瞓三個鐘,嗰五年不停遇到好多挫折,但我同自己講,條路直行有乜咁好玩,彎曲啲我老咗行嘅路可能更順。」

不過,天意弄人,好不容易捱過債務難關的慧慧之後竟再遇重擊:「十三歲嘅妹妹突然患腦積水爭啲死,我同媽咪崩潰咗,不停問點解,反而細妹冇問點解,佢永遠做完手術都話:『我冇事呀』,佢令做家姐嘅我更加要努力。」

由於行業內甚少女性,加上慧慧入行時白紙一張,她坦言曾遭受不少冷眼,但剛強的她偏偏愈戰愈勇,並以實力贏回應有尊重,「有一次我要碌一條好窄、好直同好斜嘅樓梯,我要喺樓梯度向前滾、去到中間再打側身碌出花園,嗰度大約廿幾級樓梯。當然我做動作前有諗清楚應該點做同點保護自己,我記得一嗌action我毫不猶豫咁碌出去,差不多去到尾,突然之間『嘭』一聲,我有少少休克,但意志叫我做埋落去,只要未聽到Cut都要繼續演,呢個係我哋專業,我碌完後現場好多人拍手讚好。」原來慧慧當時撞到頭兼血流如注,不過她最終還是再三確定鏡頭順利拍好後才安心入院,相當敬業。

即使八號風球仍堅持到公園鍛鍊身手的慧慧,坦言堅持背後其實是珍惜:「生老病死冇得揀,但如果我哋揀到自己鍾意嘅工作,就要珍惜。」謙虛又感恩的慧慧,最後逐一感謝多年來遇過的恩師,此時其中一名恩師錢嘉樂突然現身,令慧慧感動至哭成淚人。

原來慧慧當年拍攝電影《旺角黑夜》時因毫不錫身舉動惹來錢嘉樂敬佩及關注:「有幕大逃亡戲有個妓女畀人追嗰時,離地飛起再撻落地嘅,現場冇嘢墊嘅,前後拍咗八次。嗰時嘉樂哥第一次識我,就話好嘢、呢個女仔有熱誠,之後佢嘅戲都一定有我份。」

對慧慧讚不絕口的嘉樂,更以自己做《獎門人》經歷勉勵慧慧及觀眾朋友:「我係曾志偉先生畀機會我,嗰時每次拍《獎門人》都係行刑咁、喺千幾人面前講嘢好似受難。但如果你將困難當係磨練,把刀磨利咗之後你又多一樣嘢。我識慧慧時,佢係臨演帶隊,睇住佢由咩都唔識再變成專業龍虎武師,佢真係捱得架。我哋香港動作電影咁出色,唔係靠一、兩個人,而係靠一班無名英雄。」




 
其他近期報導:
2022-09-16 【港姐2022】佳麗總決賽前閉環受訓 兩大學霸佳麗手拖手闢謠
2022-09-09 獎門人|曾志偉以《怪獸公司》阿Boo造型亮相 錢嘉樂笑問:你想點?
2022-09-03 獎門人丨曾志偉染疫康復錄影狀態好 鄭衍峰好無辜玩遊戲下體遭殃
2022-09-05 擔任「一次性用完即棄獎門人」 蘭茜晒志偉腔大嗌「打和」
2022-09-05 獎門人︱方力申緋聞遭擺上枱 被爆食盡「曲奇餅」
 
 
  木日一比 mokuSnoopy - Snoopy商品代購  


  日系山林 Mountain Forest 限定商品代購