2022-07-03 【東方日報】《獎門人》回歸!曾志偉預告「大灣仔」獎老搵夠就返
瀏覽次數:41

藝人曾志偉、錢嘉樂、阮兆祥及麥美恩今日(3日)現身電視城,出席《開心無敵獎門人》拜神,台前幕後晚上隨即招待現場觀眾錄影首集,而節目將於7月31日推出,並橫跨台慶前後,誓要勾起觀眾集體回憶。志偉率領嘉樂及祥仔受訪,談到已有約10年未有主持「獎門人」,志偉場言心情有少許緊張:「我哋會從當年175個遊戲中,揀選大家最鍾意嘅出嚟重溫,暫時已經揀咗30幾個,嚟緊我哋會喺節目內彈出QR code等觀眾投票,可能好多讀緊書嘅,甚至小朋友都未睇過我哋嘅節目,等佢哋開心吓。」

至於贊助商獎品紛發而至,志偉打趣:「依家已經有1千萬獎品,我哋多多益善、少少有拘!(諗住請啲乜大卡士嘉賓?)暫時會請啲未玩過嘅玩咗先,會逐漸有啲舊雨亮相,睇吓邊個玩得叻,整場新知舊雨PK賽。(舊嘅獎老會返嚟?)陳小春、林曉峰、王祖藍3條PK搵夠就會返嚟,金剛就掛住溝女。」祥仔打趣首集錄影後,口碑相信會令「獎門人」觀眾入場券要實名制,志偉即搭訕:「搭兩張MIRROR飛囉。(無綫劇組開始確診喎。)冇辦法,我哋係服務性行業,點都要盡做,錄影得幾集得幾集,其實我哋每日返嚟都要先做檢測。」至於「七·一晚會」李克勤與周深合唱,翻查得悉是兩年前舊演出片段,志偉解釋:「因為克勤同周深檔期好難夾,所以先決定二次創作,用舊片重新剪輯,換上新佈景,再加入姚珏等演出,出嚟效果幾好。」

談到著名導演羅啟銳突然辭世,志偉表示:「心情沉重,今朝接咗好多電話,知道導演會同小寶(爾冬陞)都做緊嘢,呢段時間唔想煩張婉婷,但係有無綫可以幫手嘅地方,歡迎隨時聯絡我哋。電影界又少一個人才導演,心臟病嘅嘢真係好突然。」而講到姚焯菲近日離港,他就指:「女大女世界,佢都係去放暑假啫。」





 
其他近期報導:
2022-09-16 【港姐2022】佳麗總決賽前閉環受訓 兩大學霸佳麗手拖手闢謠
2022-09-09 獎門人|曾志偉以《怪獸公司》阿Boo造型亮相 錢嘉樂笑問:你想點?
2022-09-03 獎門人丨曾志偉染疫康復錄影狀態好 鄭衍峰好無辜玩遊戲下體遭殃
2022-09-05 擔任「一次性用完即棄獎門人」 蘭茜晒志偉腔大嗌「打和」
2022-09-05 獎門人︱方力申緋聞遭擺上枱 被爆食盡「曲奇餅」
 
 
  木日一比 mokuSnoopy - Snoopy商品代購  


  日系山林 Mountain Forest 限定商品代購