2022-07-25 【頭條日報】獨家丨錢嘉樂單手插袋行街好有型 唔使北上香港大把嘢撈
瀏覽次數:441

香港有好多藝人返內地發展,因為內地市場大,娛樂事業好多元化,你諗到嘅都有。不過錢嘉樂唔使返內地都好多路數,上新聞搜尋網打佢個名,呢半年佢已經又做主持又做電影動作導演,樣樣都係主力幾忙都有。日前晚上,見到錢嘉樂現身銅鑼灣利園附近睇衫,見佢單手插袋口係舖頭行咗一個圈,使唔使咁型先?採訪:娛樂組

嘉樂工作範圍都幾廣,做過港姐司儀,之前又做過《講你都唔信》主持,加上進行中嘅《開心無敵獎門人》,及最新為本周日舉行的《金像奬》任頒獎嘉賓,風格可嚴肅可搞笑,難怪咁搶手。家陣佢忙於為劉德華監製,林家棟及彭于晏主演嘅懸疑犯罪動作新片《潛行》做動作導演,因為趕住下年上映,所以拍攝得如火如荼。

56歲完全唔似阿叔
當日夜晚7點,着住黑衫黑褲加黑色口罩的錢嘉樂現身銅鑼灣利園附近,見佢直入一間運動用品舖,一路行一路望,睇啱就揭吓啲衫,又摸吓啲波鞋,見佢揭嘅衫都係黑色,波鞋就白色,睇得出佢嘅衣著品味都幾單一,白同黑永遠都咁襟興。

隨意行完一個圈就離開,但錢嘉樂好得意,佢唔會放過任何吸收資訊嘅機會,即係點?路經門口有個電視播緊該店嘅品牌廣告,佢邊行住嚟望,留意返佢仲要係單手插袋加慢步速,有型喎。上維基望吓,原來佢今年已經50有6,唔似,真係唔似。




 
其他近期報導:
2022-09-16 【港姐2022】佳麗總決賽前閉環受訓 兩大學霸佳麗手拖手闢謠
2022-09-09 獎門人|曾志偉以《怪獸公司》阿Boo造型亮相 錢嘉樂笑問:你想點?
2022-09-03 獎門人丨曾志偉染疫康復錄影狀態好 鄭衍峰好無辜玩遊戲下體遭殃
2022-09-05 擔任「一次性用完即棄獎門人」 蘭茜晒志偉腔大嗌「打和」
2022-09-05 獎門人︱方力申緋聞遭擺上枱 被爆食盡「曲奇餅」
 
 
  木日一比 mokuSnoopy - Snoopy商品代購  


  日系山林 Mountain Forest 限定商品代購