2022-08-25 【頭條日報】確診新冠首度缺席《獎門人》 曾志偉超緊張 電話會議遙控錄影
瀏覽次數:302

「獎門人」曾志偉因確診新冠肺炎,前晚首度缺席《開心無敵獎門人》錄影,節目找來久未露面的蘭茜頂替其位置,眾「獎老」形容她是「一次性用完即棄獎門人」。而錢嘉樂就透露志偉在錄影前,與他們開電話會議,追問諗好opening未,而他們是首次沒有志偉在旁,感覺特別。

前晚《開心無敵獎門人》,由一眾獎老擔任主持,錢嘉樂否認擔大旗,透露出場前跟志偉開電話會議,志偉都好緊張節目,又指雖然老婆湯盈盈的「七魔女」出場,但亦不會放水,最多打和。

獎老阮兆祥指獎門人不在所以要做得更好,希望收視超過24.2點,錢嘉樂聽後即笑言:「唔可以,要跟返獎門人高度,唔可以高過佢,否則下次全部換晒人!」嘉樂透露有研究後期是否會讓志偉補拍畫面,但仍在計劃中,他有致電慰問志偉,志偉叫他加油,回想多年來志偉確實從沒缺席《獎門人》,他直言:「我第一次感覺冇咗獎門人,真係幾特別。(擔大旗?)唔係,成班嘅。(咁都要有人叫打和!)呢啲粗重嘢我做啦。」他出場前有跟志偉開電話會議,「佢都好緊張,傾好晒啲問題,就算opening都好緊張,問度咗未,同埋叫我哋輕鬆啲做,佢咁多年都帶住我哋,跟佢廿幾年,個騷有佢嘅精神,呢廿幾年都畀咗好多經驗我,所以我呢方面OK。」問到會否放水給老婆湯盈盈及一班姊妹,他聽後即笑指最多叫打和。
盈盈樂樂公然放閃

當介紹湯盈盈等「七魔女」出場,因欠佘詩曼和姚樂怡,由工作人員戴兩人的面具現身,眾人穿志偉肖像T恤,指重視《獎門人》25周年,今次全自費出席,文頌嫻(文女)踢爆盈盈是叛徒,因她穿上老公的肖象T恤,笑指她想謀朝篡位。自我介紹時,盈盈將頭挨在嘉樂的肩膊溫柔講:「你老婆呀!」男子組即指有人「公器私用」,嘉樂亦搞笑話:「我o依家企,返到屋就無得企要跪,仲要跪玻璃!」

文女說:「我哋今晚嚟幫佢(志偉)一把,我哋嚟做氣氛等佢可以安心休養,等佢次次都唔使話打和。」文女指本來鍾麗淇因腳傷缺席,但志偉專誠邀她說會遷就她玩遊戲,周家蔚卻笑說:「睇返啲遊戲都好似冇特登就,更加重咗,所以姊妹會幫佢頂。」又指志偉有叮囑她們要玩放些,不過梁靖琪(Toby)玩遊戲前表明因老公在場而不會與男士一起夾包。




 
其他近期報導:
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色:基因的奇妙
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色:基因的奇妙
2023-02-21 湯盈盈洩蜜 錢嘉樂鐵漢柔情實錄曝光
2023-02-21 錢嘉樂湯盈盈細女愈大愈靚好嬌俏 網民比較兩姊妹嘆:基因的奇妙
2023-02-20 久未現身家庭照 錢嘉樂冧爆慈父樣望7歲細女
 
 
  木日一比 mokuSnoopy - Snoopy商品代購