2022-08-29 【晴報】一起走過︳錢嘉樂曾驚到唔想主持《獎門人》 爆黃子華嬲佢戲份多過自己
瀏覽次數：498
錢嘉樂同老婆湯盈盈日前接受《一起走過》主持人楊紹鴻、文頌嫻訪問，嘉樂分享他在娛樂圈打滾多年的經歷，而盈盈就化身賢內助，在旁聆聽，所參與的話題並不多。
嘉樂早年主力於電影圈發展，於上世紀九十年代轉到電視台，並成為知名的主持人。他說：「多謝曾志偉，我以前係唔識講嘢，唔係點講嘢，如果熟人就可以一輪咀。志偉好知道我性格，因為大家一齊拍戲，以前打燈時佢會入嚟化妝間，聽我哋武師講嘢，覺得我講嘢幾衰衰格格，幾好笑，適逢陳小春想轉做歌手，志偉就問我有冇興趣。主持《獎門人》系列可以話係一個踏台階，記得第一次介紹自己嗰幾句嘢，覺得好似行刑咁…唔知TVB係咪覺得錢嘉樂係可造之材，第二年安排我同肥姐（沈殿霞）喺紅館做回歸大騷，嗰年開始做港姐、台慶等大騷。呢啲機會，曾經覺得理所當然，而家會把握多啲，嗰時轉型都要成年時間。（幾時先算適應？）真係成年時間，記得每次去錄影《獎門人》，會諗可唔可以唔返呀？係好驚，但而家就手到拿來。」
69歲曾志偉確診新冠肺炎缺席錄影 《獎門人》由錢嘉樂阮兆祥擔大旗【下一頁】
嘉樂同文頌嫻於1995年因合作拍攝成龍電影《霹靂火》而認識，自不然提到當年所見所聞，內容竟涉及有份參與的黃子華身上，嘉樂表示：「95年同一時間拍緊《烈火戰車》，我就斷腳養傷，跟住導演爾冬陞話點都唔換人，等我痊癒先拍電單車鏡頭...嗰段時間成龍大哥就問我呢排拍緊咩，叫我過去幫手，於是我就去拍《霹靂火》，去到黃子華見到我，就話『嘉樂，你咁多戲嘅？我真係有casting，都唔夠你咁多戲喎』，哈哈！」
文頌嫻就話：「黃子華係同靚靚（袁詠儀）嗰條線嘅，佢哋喺車房好多戲，我就同成龍另一個阿妹練踢毽，練到身水身汗，結果拍出嚟冇要到，只係擺咗少少喺幕後花絮，好多鏡頭拍晒係唔要。」錢嘉樂繼續講：「所以黃子華就係嬲呢樣嘢，佢話『嘉樂，你係咩人嚟㗎』...佢哋真係casting先入劇組，唔知點解我又突然入咗去，戲份又多過佢。」
追問盈盈同嘉樂如何邂逅？盈盈口窒窒話：「我哋拍《獎門人》旅遊節目時識，唔係玩遊戲嗰啲...（點解睇中嘉樂？）Love is Love，哈哈！（當年唔擔心嘉樂拍戲受傷？）同佢一齊時佢拍緊《獎門人》啦，唔會受傷...有時同佢去武師公會睇佢以前啲片，都會好心痛！」嘉樂和盈盈在2000年合作拍攝劇集《封神榜》，他笑言：「二郎神對住琵琶精...最好睇係戲入面我收（服）佢，戲外佢收我，收到而家成屋女人。其實覺得佢幾顧屋企，會提我打電話畀爸爸媽媽，而家都係。」
提到今年是他們結婚10周年，有甚麼想對另一半講，盈盈說：「我好開心囉，哈哈！（會追多個？）冇，兩個都夠。」嘉樂則爆笑說：「你知啦，還錢！（心底話？）都好，送咗個屋企畀我。」
![]()
錢嘉樂同老婆湯盈盈日前接受《一起走過》主持人楊紹鴻、文頌嫻訪問，嘉樂分享他在娛樂圈打滾多年的經歷，而盈盈就化身賢內助，在旁聆聽，所參與的話題並不多。
嘉樂早年主力於電影圈發展，於上世紀九十年代轉到電視台，並成為知名的主持人。他說：「多謝曾志偉，我以前係唔識講嘢，唔係點講嘢，如果熟人就可以一輪咀。志偉好知道我性格，因為大家一齊拍戲，以前打燈時佢會入嚟化妝間，聽我哋武師講嘢，覺得我講嘢幾衰衰格格，幾好笑，適逢陳小春想轉做歌手，志偉就問我有冇興趣。主持《獎門人》系列可以話係一個踏台階，記得第一次介紹自己嗰幾句嘢，覺得好似行刑咁…唔知TVB係咪覺得錢嘉樂係可造之材，第二年安排我同肥姐（沈殿霞）喺紅館做回歸大騷，嗰年開始做港姐、台慶等大騷。呢啲機會，曾經覺得理所當然，而家會把握多啲，嗰時轉型都要成年時間。（幾時先算適應？）真係成年時間，記得每次去錄影《獎門人》，會諗可唔可以唔返呀？係好驚，但而家就手到拿來。」
69歲曾志偉確診新冠肺炎缺席錄影 《獎門人》由錢嘉樂阮兆祥擔大旗【下一頁】
嘉樂同文頌嫻於1995年因合作拍攝成龍電影《霹靂火》而認識，自不然提到當年所見所聞，內容竟涉及有份參與的黃子華身上，嘉樂表示：「95年同一時間拍緊《烈火戰車》，我就斷腳養傷，跟住導演爾冬陞話點都唔換人，等我痊癒先拍電單車鏡頭...嗰段時間成龍大哥就問我呢排拍緊咩，叫我過去幫手，於是我就去拍《霹靂火》，去到黃子華見到我，就話『嘉樂，你咁多戲嘅？我真係有casting，都唔夠你咁多戲喎』，哈哈！」
文頌嫻就話：「黃子華係同靚靚（袁詠儀）嗰條線嘅，佢哋喺車房好多戲，我就同成龍另一個阿妹練踢毽，練到身水身汗，結果拍出嚟冇要到，只係擺咗少少喺幕後花絮，好多鏡頭拍晒係唔要。」錢嘉樂繼續講：「所以黃子華就係嬲呢樣嘢，佢話『嘉樂，你係咩人嚟㗎』...佢哋真係casting先入劇組，唔知點解我又突然入咗去，戲份又多過佢。」
追問盈盈同嘉樂如何邂逅？盈盈口窒窒話：「我哋拍《獎門人》旅遊節目時識，唔係玩遊戲嗰啲...（點解睇中嘉樂？）Love is Love，哈哈！（當年唔擔心嘉樂拍戲受傷？）同佢一齊時佢拍緊《獎門人》啦，唔會受傷...有時同佢去武師公會睇佢以前啲片，都會好心痛！」嘉樂和盈盈在2000年合作拍攝劇集《封神榜》，他笑言：「二郎神對住琵琶精...最好睇係戲入面我收（服）佢，戲外佢收我，收到而家成屋女人。其實覺得佢幾顧屋企，會提我打電話畀爸爸媽媽，而家都係。」
提到今年是他們結婚10周年，有甚麼想對另一半講，盈盈說：「我好開心囉，哈哈！（會追多個？）冇，兩個都夠。」嘉樂則爆笑說：「你知啦，還錢！（心底話？）都好，送咗個屋企畀我。」
其他近期報導：
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色：基因的奇妙
2023-02-22 【餅印父女】錢嘉樂湯盈盈細女愈大愈靚 網民稱兩姊妹各有特色：基因的奇妙
2023-02-21 湯盈盈洩蜜 錢嘉樂鐵漢柔情實錄曝光
2023-02-21 錢嘉樂湯盈盈細女愈大愈靚好嬌俏 網民比較兩姊妹嘆：基因的奇妙
2023-02-20 久未現身家庭照 錢嘉樂冧爆慈父樣望7歲細女
