2023-01-10 【東方日報】《拆局專家》Re-U！袁偉豪錢嘉樂齊集　獨欠朱千雪勁失色

瀏覽次數：640

藝人袁偉豪同前無綫監製潘嘉德關係甚好，當年全靠對方賞識，參演《On Call 36小時》、《三個女人一個「因」》等劇而被捧紅成為一線小生，近日佢哋再聚頭，與劇集《拆局專家》嘅一班演員飯敍，袁偉豪於社交網大晒飯局合照，並留言：「好耐冇試過見啦大家，開心，拆局專家，麥行直。」其中見劇中一家人錢嘉樂、袁偉豪、洪天明、黃淑儀、黃智雯等齊集，回憶即時返晒嚟，最驚喜係昔日無綫小生陳鍵鋒都有現身，不過就未見《拆》劇重要女角朱千雪，令網民直呼可惜，但亦表示好希望劇集可以再開續集。